ۇستىمىزدەگى جىلعى 2-4 ناۋرىز ارالىعىندا بۇۇ-نىڭ ۆەناداعى بولىمشەسىندە جوعارى قارجى باقىلاۋ ورگاندارى حالىقارالىق ۇيىمىنىڭ (ينتوساي) «2015 جىلدان كەيىنگى كەزەڭدە بۇۇ-نىڭ دامۋى بويىنشا كۇن ءتارتىبى: جوعارى قارجى باقىلاۋ ورگاندارىنىڭ ورنىقتى دامۋدى قامتاماسىز ەتۋدەگى ءرولى مەن ىسكە اسىرۋ قۇرالدارى» تاقىرىبىنا ارنالعان 23-ءشى سيمپوزيۋم ءوتتى.
ءىس-شارانى اۋستريانىڭ فەدەرالدى پرەزيدەنتى حاينتس فيشەر اشتى. بۇۇ باس حاتشىسىنىڭ ەكونوميكالىق جانە الەۋمەتتىك ماسەلەلەر جونىندەگى ورىنباسارى ۆۋ حونگبو, بۇۇ باس حاتشىسىنىڭ ىشكى اۋديت قىزمەتى جونىندەگى ورىنباسارى كارمان لاپوينتە جانە ينتوساي باس حاتشىسى دجوزەف موزەر سيمپوزيۋمعا قاتىسۋشىلاردى قۇتتىقتاپ, ءسوز سويلەدى.
سيمپوزيۋمعا قازاقستان رەسپۋبليكاسى ەسەپ كوميتەتىنىڭ ءتوراعاسى قوزى-كورپەش جاڭبىرشين باستاعان دەلەگاتسيا قاتىستى. باسقا ەلدەردىڭ جوعارى قارجى باقىلاۋ ورگاندارىنىڭ باسشىلارىمەن ەكىجاقتى ىنتىماقتاستىقتى تالقىلاۋ ماقساتىندا سيمپوزيۋم شەڭبەرىندە ق.جاڭبىرشين بىرقاتار ەكىجاقتى كەزدەسۋلەر وتكىزدى.
«ەگەمەن-اقپارات».