دۋباي قالاسىندا ء(باا) «جىبەك جولى: ازيا مەن ەۋروپا اراسىنداعى ساۋدا جۇيەسىندەگى لوگيستيكانىڭ جاڭا ءمۇمكىندىكتەرى» اتتى حالىقارالىق ينۆەستيتسيالىق فورۋمى ءوتتى.
فورۋمعا قاتىسۋشىلار الدىندا ءسوز سويلەگەن «قازاقستان تەمىر جولى» ۇك» اق پرەزيدەنتى اسقار مامين قازاقستاننىڭ ەۋرازيالىق كولىكتىك-لوگيستيكالىق جانە ىسكەرلىك حابقا اينالۋى تۋرالى ستراتەگيالىق يدەيانى العاش پرەزيدەنت ن.ءا.نازارباەۆ جىبەك جولىن جاڭعىرتۋ تۋرالى سوزىندە قوزعاعاندىعىن اتاپ ءوتتى.
«ءبىز قازاقستاندىق «قورعاس» اەا مەن اقتاۋ تەڭىز پورتى جەتەكشىلەرىمەن كەزدەسۋ كەزىندە پورتتار جانە لوگيستيكا سالاسىنداعى تاجىريبەلەرىمىزبەن بولىسۋگە ءازىرمىز. بۇل قازاقستاننىڭ قازىرگى زامانعى لوگيستيكالىق حاب رەتىندە ايماقتاعى ساۋدا ترانزيتتىك الەۋەتىن كۇشەيتىپ, ەكونوميكالىق دامۋدىڭ لوكوموتيۆىنە اينالۋىنا ىقپال ەتەدى», دەپ اتاپ ءوتتى DP World باس اتقارۋشى ديرەكتورى مۇحاممەد شاراف.
بۇعان دەيىن قول قويىلعان قتج مەن DP World اراسىنداعى كەلىسىمشارتقا وراي, حالىقارالىق لوگيستيكالىق وپەراتور «قورعاس- شىعىس قاقپاسى» ارنايى ەكونوميكالىق ايماعى مەن اقتاۋ تەڭىز پورتىنا كەڭەستىك قىزمەت كورسەتەدى. سونىمەن قاتار, الەمدىك كومپانيالارعا لوگيستيكالىق شەشىمدەردى دايارلايدى.
ساراپشىلار 2014 جىلى ايماقتاعى ساۋدا اينالىمى 800 ملرد. اقش دوللارىن قۇراسا, 2020 جىلعا دەيىن 1,2 ترلن. اقش دوللارىنا, قىتاي مەن ەۋروپا ارالىعىنداعى جۇك تاسىمالى 170 ملن. تونناعا جەتەدى دەگەن بولجام جاساپ وتىر.
«قازاقستاننىڭ قىتاي, رەسەي, پارسى شىعاناعى ەلدەرى, ەۋرووداق, ەۋرازيالىق كەڭىستىك باعىتتارىنداعى تاۋار اينالىمىنىڭ ارتۋىنا بايلانىستى جاڭا ارحيتەكتۋرالىق كولىكتىك دالىزدەر قالىپتاسا باستادى, دەپ اتاپ ءوتتى قتج پرەزيدەنتى اسقار مامين.
فورۋم بارىسىندا شەتەلدىك ينۆەستورلاردىڭ قاتىسۋىمەن قازاقستاننىڭ كولىكتىك-لوگيستيكالىق جۇيەسىن جەتىلدىرۋ مەن ترانزيتتىك الەۋەتىن دامىتۋدىڭ جوبالارى تالقىلاندى.
«جاڭا جىبەك جولىن دامىتۋ بولاشاعى: ازيا مەن ەۋروپا اراسىنداعى قۇرلىقارالىق كوپىر» مەن «قر اۋماعىنداعى ارنايى ەكونوميكالىق ايماقتاردى دامىتۋ» اتتى پانەلدىك سەسسيالاردا قارجى مينيسترلىگى مەملەكەتتىك كىرىس كوميتەتىنىڭ توراعاسى عوسمان ءامرين, «قتج» ۇك» اق ۆيتسە-پرەزيدەنتى قانات الپىسباەۆ, «KTZ Express» اق پرەزيدەنتى سانجار ەلۋباەۆ, EMEA LogisticsHewlett-Packard ايماقتىق ديرەكتورى رونالد كلەيۆيت, تاعى باسقالار ءسوز سويلەدى.