استانا. 20 تامىز. بۇگىن تۇندە ۋەفا ەۋروپا ليگاسى ىرىكتەۋ ءتۋرنيرىنىڭ پلەي-وفف باسەكەسىندە «قايرات» سىرت الاڭدا فرانتسيانىڭ «بوردو» كومانداسىمەن كەزدەسەدى. استانا ۋاقىتىمەن ساعات 00:30-دا باستالاتىن ويىندى «قازاقستان» تەلەارناسى تىكەلەي ەفيردە كورسەتۋدى كوزدەپ وتىر. بۇل تۋرالى egemen.kz حابارلادى.
«بوردو» فرانتسياداعى تاريحى باي, بەلگىلى كوماندالاردىڭ ءبىرى. التى مارتە ەل چەمپيونى اتانعان جاساق سوڭعى رەت بۇل مەجەنى 2008-2009 جىلعى ماۋسىمدا باعىندىردى. كەزىندە ساپىندا ەريك كانتونا, ديدە دەشام, زينەدين زيدان سىندى الەم فۋتبولىنىڭ جارىق جۇلدىزدارى دوپ تەپكەن كوماندادان كەز كەلگەن قارسىلاس قايمىعاتىنى ءسوزسىز.
وتكەن ماۋسىمدا «بوردو» فرانتسيا چەمپيوناتىن 6-ورىنمەن اياقتادى. بۇل ەلدىڭ ءبىرىنشى ليگاسىندا 20 كوماندا سايىسقا تۇسەتىنىن ايتا كەتەيىك.
ال «قايرات» ەۋروپا ليگاسى ىرىكتەۋ ءتۋرنيرىنىڭ پلەي-وفف ساتىسىنا العاش رەت شىعىپ وتىر. ەكى كوماندانىڭ تاجىريبەسىن ەسكەرگەن ماماندار بۇگىنگى ويىندا باسىمدىقتى الاڭ يەلەرىنە بەرۋدە.
وسى ويىننان بولەك, بۇگىن تۋرنير شەڭبەرىندە تاعى 21 كەزدەسۋ وتەدى:
«التاح» (اۆستريا) – «بەلەنەنسەش» (پورتۋگاليا)
«ستياۋا» (رۋمىنيا) – «رۋسەنبورگ» (نورۆەگيا)
«ۆيكتوريا» پلزەن (چەحيا) – «ۆويۆودينا» (سەربيا)
«يابلونەتس» (چەحيا) – اياكس (نيدەرلاندى)
«مولدە» (نورۆەگيا) – «ستاندارد» (بەلگيا)
«جيلينا» (سلوۆاكيا) – «اتلەتيك» (يسپانيا)
«زاريا» (ۋكراينا) – «لەگيا» (پولشا)
«ميلسامي» (مولدوۆا) – «سەنت-ەتەن» (فرانتسيا)
«يانگ بويز» (شۆەيتساريا) – «كاراباح» (ازەربايجان)
پاوك (گرەكيا) – «بروندبيۋ» (دانيا)
«دينامو» مينسك (بەلارۋس) – «زالتسبۋرگ» (اۆستريا)
«سلوۆان» ليبەرەتس (چەحيا) – حايدۋك سپليت (حورۆاتيا)
«پاناتينايكوس» (گرەكيا) – «گابالا» (ازەربايجان)
«استرا» (رۋمىنيا) – «از الكمار» (نيدەرلاندى)
«كراسنودار» (رەسەي) – حيك (فينليانديا)
«لەح» (پولشا) – «ۆيدەوتون» (ۆەنگريا)
«رابوتنيچكي» (ماكەدونيا) – «رۋبين» (رەسەي)
«اتروميتوس» (گرەكيا) – «فەنەرباحچە» (تۇركيا)
«ساۋتگەمپتون» (انگليا) – «ميتيۋللاند» (دانيا)
«ودد» (نورۆەگيا) – «بورۋسسيا» دورتمۋند (گەرمانيا)
«تۋن» (شۆەيتساريا) – «سپارتا» پراگا (چەحيا).
ەلامان قوڭىر.
دەرەك: egemen.kz.
سۋرەت: footboom.kz.