ەلباسى نۇرسۇلتان نازارباەۆ تۋنيس رەسپۋبليكاسىنىڭ پرەزيدەنتى بەدجي كايد اس-سەبسيگە سۋس قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
كوڭىل ايتۋ جەدەلحاتىندا مەملەكەت باسشىسىنىڭ سۋس قالاسىندا بولعان تەررورلىق اكت سالدارىنان كوپتەگەن تۋنيس جانە شەتەل ازاماتتارىنىڭ قازا تاپقانى تۋرالى سۋىت حاباردى زور كۇيزەلىسپەن قابىلداعانى اتاپ وتىلگەن.
«قازاقستان بارشا الەمنىڭ بەيبىتشىلىگى مەن قاۋىپسىزدىگىنە ەلەۋلى قاۋىپ ءتوندىرىپ وتىرعان حالىقارالىق ەكسترەميزم مەن تەرروريزمدى ءۇزىلدى-كەسىلدى ايىپتايدى», – دەلىنگەن جەدەلحاتتا.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ تۋىستارى مەن جاقىندارىنا, سونداي-اق, بارشا تۋنيس رەسپۋبليكاسىنىڭ حالقىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
* * *
قازاقستان پرەزيدەنتى نۇرسۇلتان نازارباەۆ كۋۆەيت مەملەكەتىنىڭ ءامىرى ساباح ءال-احمەد ءال-دجابەر اس-ساباحقا ءال-كۋۆەيت قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
كوڭىل ايتۋ جەدەلحاتىندا مەملەكەت باسشىسىنىڭ ءال-كۋۆەيتتەگى تەررورلىق اكت سالدارىنان كوپتەگەن جازىقسىز جاندار قازا تاپقانى جانە زارداپ شەككەنى تۋرالى قايعىلى حاباردى زور كۇيزەلىسپەن قابىلداعانى ايتىلعان.
«ءبىز دۇنيەجۇزىلىك قوعامداستىقتىڭ حالىقارالىق ەكسترەميزم مەن تەرروريزم قاتەرىنە قارسى كۇرەستەگى كۇش-جىگەرى مەن قادامدارىن تولىق قولدايمىز», – دەلىنگەن جەدەلحاتتا.
نۇرسۇلتان نازارباەۆ قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ تۋىستارى مەن جاقىندارىنا, سونداي-اق, باۋىرلاس كۋۆەيت حالقىنا كوڭىل ايتىپ, جاپا شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.