اتىراۋ. 2 ناۋرىز. اتىراۋ قالالىق ىشكى ىستەر باسقارماسىنا قاراستى جول-پاترۋلدىك پوليتسيا باتالونىنىڭ ينسپەكتورلارى ءبىر مەزگىلدە بەينەكامەراعا, فوتوسۋرەتكە جانە دىبىس جازۋعا ارنالعان امبەباپ قۇرىلعىمەن قامتىلدى. بۇل تۋرالى egemen.kz ءتىلشىسى حابارلادى.
باسقارما باسشىسىنىڭ ورىنباسارى مىندەتىن اتقارۋشى ەرلان بيعامباەۆتىڭ جۋرناليستەرگە ءمالىم ەتكەنىندەي, باتالوندا 220 ينسپەكتور قىزمەت ەتەدى. ازىرگە ولاردىڭ 25-ءى كەۋدەگە تاعاتىن امبەباپ قۇرىلعىمەن قامتىلدى. دەگەنمەن, بيىلعى ءبىرىنشى توقساننىڭ اياعىنا دەيىن مۇنداي قۇرىلعىمەن جول-پارتۋلدىك پوليتسيا باتالونىنداعى جەكە قۇرامنىڭ 80 پايىزىن قامتۋ كوزدەلىپ وتىر. بۇل قۇرىلعىنى قوسۋلى كۇيىندە پوليتسيا قىزمەتكەرى كەزەكشىلىككە شىعار الدىندا راتسيامەن بىرگە الادى. بەينەكامەرا 12 ساعات بويى قوسىلىپ تۇرادى. بۇعان قوسا فوتوكامەراسى مەن ديكتوفونى جانە بار.
«بۇل قۇرىلعىعا جازىلعان اقپاراتتى پوليتسيا قىزمەتكەرىنىڭ ءوز بەتىمەن وزگەرتۋى مۇمكىن ەمەس. ويتكەنى, وبلىستىق ىشكى ىستەر دەپارتامەنتىنىڭ تەحنيكالىق بايلانىس باسقارماسىندا مۇنىڭ «ءتىلىن» بىلەتىن ءبىر قىزمەتكەر بار. تەك سول قىزمەتكەردىڭ دەرەكتەر بازاسىنا كىرۋىنە رۇقسات ەتىلگەن. ءتىپتى, باسشىلىق قۇرام دا دەرەكتەر بازاسىنا كىرۋدىڭ قۇپيا سانىن بىلمەيدى. ەگەر قانداي دا ءبىر وقيعاعا بايلانىستى داۋدى انىقتاۋ ماسەلەسى تۋىنداسا, تەك ارنايى مامان عانا دەرەكتەر بازاسىنا كىرىپ, بەينەجازبانىڭ نە فوتوسۋرەتتىڭ ءۇزىندىسىن ۇسىنا الادى», دەدى باسقارما باسشىسىنىڭ ورىنباسارى مىندەتىن اتقارۋشى ەرلان بيعامباەۆ.
ءبىر ەرەكشەلىگى, امبەباپ قۇرىلعىمەن كەز كەلگەن قۇقىق بۇزۋشىلىقتى تاسپاعا تۇسىرۋگە بولادى. ءتىپتى, تۇنگى مەزگىلدە دە ساپالى جازبا جاساۋدىڭ مۇمكىندىگى بار. اسىرەسە, بۇل قۇرىلعى قۇقىق بۇزۋشىلار اراسىندا تۋىندايتىن داۋلى تۇستاردى, ىشىمدىك ىشكەن, كىناسىز ەكەنىن دالەلدەۋگە تىرىساتىن, سونىمەن بىرگە, جول-پاترۋلدىك پوليتسيا قىزمەتكەرلەرىنىڭ تالابىنا باعىنعىسى كەلمەيتىن جۇرگىزۋشىلەردىڭ ارەكەتىن تاسپاعا تۇسىرۋگە تاپتىرمايتىن قۇرىلعى بولماق. ارينە, پوليتسيا قىزمەتكەرلەرىنىڭ جاۋاپكەرشىلىگىن ارتتىرۋ مەن جەمقورلىقتىڭ جولىن كەسۋگەدە وڭ اسەرى تيگىزەدى دەگەن ءۇمىت بار.
جولداسبەك شوپەعۇل.
دەرەك:egemen.kz.
سۋرەت: راحىم قويلىباەۆ.