ءسىز وتانعا قىزمەت ەتۋدىڭ ۇلگىسىسىز

*پرەزيدەنت پوشتاسىنان

ەلباسى اتىنا كەلىپ جاتقان حاتتار مەن جەدەلحاتتار لەگىنىڭ نەگىزگى ايتارى وسىعان سايادى

  پرەزيدەنت سايلاۋىن وتكىزۋ تۋرالى شەشىمگە قولداۋ بىلدىرگەن جانە نۇرسۇلتان نازار­باەۆتىڭ ءوز كانديداتۋراسىن ۇسىنۋىن ءوتىن­گەن حاتتار مەن جەدەلحاتتار كوپتەپ كەلۋدە, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى اتىنا كاسىپورىندار مەن ۇيىمداردىڭ جۇمىسشىلارىنان, كورنەكتى سپورتشىلاردان سايلاۋ وتكىزۋ تۋرالى شەشىمدى قولداعان جانە نۇرسۇلتان نازارباەۆقا ءوز كانديداتۋراسىن قازاقستان رەسپۋبليكاسى پرەزيدەنتى لاۋازىمىنا ۇسىنۋدى وتىنگەن حاتتار لەگى جالعاسۋدا. اتاپ ايتقاندا,تاراز قالاسىنداعى «قازفوسفات» جشس وكىلدەرى الەمدىك قۇرىلىمداعى جاھاندىق وزگەرىستەر اياسىندا قازاقستان حالقى ءبىرتۇتاس بولۋى جانە ەل پرەزيدەنتىمەن بىرگە ءجۇرۋى ءتيىس ەكەنىنە توقتالعان. «قازفوسفاتتىڭ» التى مىڭ ادامدىق ەڭبەك ۇجىمىنىڭ تىلەگى – سىزگە جاڭا سەنىم مانداتىن بەرۋ. ءبىز ءوز بولاشاعىمىزدى ناق سىزبەن بايلانىستىرامىز, بىزگە قازاقستاننىڭ بۇرىنعىشا بەيبىتشىلىك پەن كەلىسىمنىڭ ورتاسى, تۇراقتى ءارى قارقىندى مەملەكەت بولىپ قالا بەرۋى ءۇشىن ءبارىن دە جاساي الاتىن ءدال سىزدەي دانا كوشباسشى كەرەك. سوندىقتان سىزدەن الداعى سايلاۋدا ءوز كانديداتۋراڭىزدى مەملەكەت باسشىسى لاۋازىمىنا ۇسىنۋدى وتىنەمىز. ءبىز بەلسەنە قاتىساتىنىمىزدى جانە ءسىزدىڭ كانديداتۋراڭىزدى ءبىراۋىزدان قولدايتىنىمىزدى مالىمدەيمىز», – دەلىنگەن  جەدەلحاتتا. پاۆلودار قالاسىنداعى «KSP STEEL» جشس بەس مىڭ ادامدىق ۇجىمىنىڭ قىزمەتكەرلەرى نۇرسۇلتان نازارباەۆتىڭ قازاقستان حالقى اسسامبلەياسىنىڭ سايلاۋ وتكىزۋ باستاماسىن قولداعانى تۋرالى جاڭالىقتى قۋانا قابىلداعانىن ايتىپ, مەملەكەت باسشىسىنان ءوز كانديداتۋراسىن ۇسىنۋدى وتىنگەن. «ءبىز ءسىزدىڭ ساياساتىڭىزعا سەنەمىز, ءوز حالقىن العا قويىلعان ماقساتقا – تۇراقتى قوعام قۇرۋعا جانە ەلدى وركەندەتۋگە باستاي بىلەتىن قابىلەتىڭىز بەن تاجىريبەڭىزگە سەنىم ارتامىز. جۇمىسشىلار قاۋىمى ءسىزدى جەرگە قاراتپايدى», – دەپ جازادى اۆتورلار. پاۆلودار قالاسىنداعى «قازاقستان ەلەكتروليز زاۋىتى» اق باسشىسى ا.يبراگيموۆ كاسىپورىن ۇجىمى بارلىق جەتىستىكتەرى مەن تابىستارىن مەملەكەت باسشىسىنىڭ ەسىمىمەن بايلانىستىراتىنىن اتاپ وتكەن. «سايلاۋعا كانديداتۋراڭىزدى ۇسىنۋدى ەكى جارىم مىڭنان استام مەتاللۋرگتەردىڭ اتىنان وتىنەمىن. قازاقستان ءسىزدىڭ باسشىلىعىڭىزبەن كوپ نارسەگە قول جەتكىزە الدى. ءبىزدى بولاشاقتا دا جاڭا بيىكتەر, وركەندەۋ جانە ەكونوميكالىق دامۋ كۇتىپ تۇرعانىنا سەنىمدىمىن. بۇل جولدا بىزگە ءسىز سياقتى قۋاتتى كوشباسشى كەرەك», – دەلىنگەن حاتتا. «يمستالكون» جشس ەڭبەك ۇجىمىنىڭ مۇشەلەرى مەملەكەت باسشىسىمەن بىرگە ەلدى اۋقىمدى جاڭعىرتۋ جولىمەن جۇرۋگە دايىن ەكەنىن ءبىلدىردى. «ءبىز «قازاقستان-2050» ستراتەگياسىن جالعاستىرۋدى, بىرلىكتى, كەلىسىم مەن تۇراقتىلىقتى نىعايتۋدى قولدايمىز. ەلىمىز ءسىزدىڭ باسشىلىعىڭىزبەن عانا بارلىق قيىندىقتى ەڭسەرە الاتىنىنا سەنىمدىمىز. سوندىقتان ەلباسىنىڭ ەسىمىمەن بايلانىستى بولاشاعىمىزعا قاتىستى تاڭداۋىمىزدى جاسادىق. ءبىز ءسىزدىڭ قازاقستان پرەزيدەنتى لاۋازىمىنا كانديداتۋراڭىزدى تولىق قولدايتىنىمىزدى مالىمدەيمىز», – دەلىنگەن حاتتا. وسكەمەن قالاسىنان «ءۇلبى مەتال­لۋرگيالىق زاۋىتى» اق جۇمىس­شىلارىنىڭ باستاماشىل توبى بەلەڭ العان الەمدىك ەكونوميكالىق داعدارىس جاعدايىندا سايلاۋ وتكىزۋ دەر كەزىندە قابىلدانعان شەشىم ەكەنىن ايتقان جانە وعان نۇرسۇلتان نازارباەۆ قاتىسادى دەپ ۇمىتتەنەتىندەرىن بىلدىرگەن. «ءبىز بەيبىت اسپان استىندا ءومىر ءسۇرىپ وتىرمىز, الاڭسىز جۇمىس ىستەپ, بالالارىمىزدى وسىرەمىز, بولاشاققا جوس­پار قۇرا الامىز. بۇل – قازاقستاننىڭ ءسىزدىڭ باسشىلىعىڭىزبەن جەتكەن باستى تابىسى. ءبىز سىزگە سەنەمىز! ءسىز­دى ماقتانىشىمىز ءارى ءۇمىتىمىز, ەرتەڭ­گى كۇنگە دەگەن سەنىمدىلىك پەن تۇراق­تى­لىقتىڭ, قوعامداعى تاتۋلىق پەن كەلىسىمنىڭ كەپىلى دەپ تولىق نەگىزبەن  ايتامىز», – دەلىنگەن حاتتا. «قاراعاندى ۇن كومبيناتى» جشس ۇجىمى مەملەكەت باسشىسىنا ەكونوميكالىق جانە الەۋمەتتىك سالالاردا جۇرگىزىلىپ جاتقان رەفورمالار ءۇشىن العىس ايتىپ, الداعى پرەزيدەنت سايلاۋ­ىنا قاتىسۋدى وتىنگەن. «سىزبەن بىرگە بولساق, بولاشاعىمىز دا زور بولاتىنىنا سەنىمدىمىز», – دەپ جازادى اۆتورلار. قوستاناي وبلىسىنداعى «ەۆرازكاس­پيانستال» جشس جۇمىسشىلارى مەم­لەكەت باسشىسىنىڭ دانالىعى مەن تا­بىستى باسشى رەتىندەگى كوپجىلدىق ءتاجى­ريبەسى ەلدىڭ ءارى قاراي دامۋىنىڭ, حا­لىق بىرلىگى مەن تۇراقتىلىعىن ساق­تاۋ­دىڭ كەپىلى بولىپ سانالاتىنىن ايتادى. «ءبىزدىڭ كوپۇلتتى ۇجىم الداعى سايلاۋعا ءوز كانديداتۋراڭىزدى ۇسىنۋدى سىزدەن ەلباسى رەتىندە وتىنەدى», – دەلىنگەن حاتتا. «مەتاكون» جشس قىزمەتكەرلەرى دە كوپۇلتتى ەلدىڭ تابىستى دامۋعا دەگەن ءۇمىتى مەن ودان ءارى وركەندەۋىن نۇر­سۇل­تان نازارباەۆتىڭ اتىمەن بايلانىس­تىرادى. «ءسىزدىڭ سايلاۋعا قاتىسۋىڭىز ءبىز ءۇشىن جانە تۋعان ەلىنىڭ تاعدىرىنا بەي-جاي قارامايتىن بارشا قازاقستاندىقتار ءۇشىن  ايقىن ءارى دۇرىس شەشىم بولادى. ءسىز – جۇرگىزىلىپ وتىرعان ىشكى جانە سىرت­قى ساياساتتىڭ ساباقتاستىعىن قامتا­ماسىز ەتۋدىڭ, ەكونوميكالىق جانە الەۋمەتتىك باعدارلامالاردى تابىس­تى جۇزەگە اسىرۋدىڭ, قوعامداعى تۇراق­تىلىقتى ساقتاۋدىڭ كەپىلىسىز. بىزدەر, جەتىسۋ ولكەسىنىڭ تۇرعىندارى, ءسىزدىڭ جەرلەستەرىڭىز, ءوزىمىزدىڭ جانە بالالارىمىزدىڭ بولاشاعى سىزبەن بايلانىستى ەكەنىن بىلەمىز», – دەپ اتاپ وتەدى اۆتورلار. اتىراۋ وبلىسىنىڭ ەنەرگەتيكتەرى قازاقستاننىڭ قارقىندى دامۋى رەسپۋب­ليكامىزعا وزگە ەلدەردىڭ قاتارىنان لايىقتى ورىن يەلەنۋگە مۇمكىندىك بەرگەنىنە توقتالعان. اۆتورلار بۇل تابىس­تى مەملەكەت باسشىسىنىڭ ەڭبەگىمەن بايلانىستىرادى جانە نۇرسۇلتان نازارباەۆتىڭ پرەزيدەنت سايلاۋىنا قاتىسۋىن وتىنگەن. «ارايسترويماركەت-2003» جشس اليۋميني رادياتورلارىن شىعاراتىن زاۋىتىنىڭ ەڭبەك ۇجىمى كاسىپورىننىڭ بارلىق جەتىستىكتەرى مەن تابىسى مەملەكەت باسشىسى باستاماشىلىق ەتكەن, ەلدى يندۋستريالىق-يننوۆاتسيالىق دامىتۋ ساياساتىنىڭ ارقاسىندا مۇمكىن بولعانىنا توقتالادى. «ءبىز ەلدى ماقساتتى تۇردە تۇرلەندىرۋ ساياساتىن ودان ءارى جالعاستىرۋعا, حالىقتى سىرتقى قاتەرلەردىڭ الدىندا ۇيىستىرۋعا ءسىز عانا قابىلەتتى ەكە­نىڭىزگە سەنىمدىمىز. سوندىقتان ءبىزدى ەل پرەزيدەنتى لاۋازىمىنا ءوز كان­دي­داتۋراڭىزدى ۇسىنۋ تۋرالى ءالى شەشىم قابىلداماعانىڭىز الاڭداتادى. ءبىز بۇل ماسەلە «نۇر وتان» پارتياسىنىڭ كەزەكتى سەزىندە شەشىلەدى دەپ ۇمىتتەنەمىز. ءوز تاراپىمىزدان داۋى­سىمىزدى سىندارلى ءارى الەۋمەتكە باعدارلى ساياساتتى جالعاستىرۋ ءۇشىن بەرۋگە دايىنبىز», – دەلىنگەن حاتتا. «ت.ي.باتىروۆ اتىنداعى جامبىل گرەس» اق جۇمىسشىلارى مەملەكەت باسشىسىنا الداعى سايلاۋعا ءوز كانديداتۋراسىن ۇسىنۋ جونىندە ەلدىڭ بارلىق وڭىرىندەگى ەڭبەك ۇجىمدارى مەن جەكەلەگەن ازاماتتاردان كەلىپ ءتۇسىپ جاتقان وتىنىشتەرگە قۇلاق اسۋدى سۇرايدى. «سىزگە سەنەمىز جانە الداعى پرە­زي­دەنت سايلاۋىندا داۋىسىمىزدى سىزگە بەرەمىز. بىزدەردىڭ وتباسىلارىمىز جانە جۇمىستاعى ارىپتەستەرىمىز بۇل سايلاۋدا پرەزيدەنتىمىزبەن بىرگە بولادى», – دەيدى اۆتورلار. «قازاقتەلەكوم» اق الماتى وبلىس­تىق تەلەكوممۋنيكاتسيالار ديرەك­تسياسىنىڭ قىزمەتكەرلەرى نۇرسۇلتان نازارباەۆتىڭ  الداعى سايلاۋعا قاتىسۋى قاجەتتىلىك ءارى ۋاقىت تالابى ەكەنىن اتاپ كورسەتكەن. «بارلىق جاھاندىق سىناقتاردان ەلدىڭ ءساتتى ءوتۋى ءۇشىن ەل مەن حالىق تاع­دىرىن ەڭ جوعارى قۇندىلىق سانايتىن ناق سىزدەي ساياساتكەر قاجەت. ءسىزدى باسشىلىعىڭىز ارقىلى قازاقستان ور­تالىق ازيا وڭىرىندە عانا ەمەس, حالىق­ارالىق ارەنادا دا عاجاپ تابىستارعا جەت­تى. ءبىز ءوز تاڭداۋىمىزدى جاساپ قوي­دىق  جانە سىزگە ءبىراۋىزدان داۋىس بەرە­­­تىن بولامىز», – دەپ جازادى اۆتورلار. قوستاناي وبلىسىنان حات جازعان «قاراسۋ» سوك جشس ۇجىمىنىڭ مۇشەلەرى الداعى سايلاۋعا نۇرسۇلتان نازارباەۆ  ءوز كانديداتۋراسىن ۇسىنسا دەگەن تىلەگىن بىلدىرگەن. «ءبىز تاۋەلسىز قازاقستاننىڭ قالىپ­تاسۋى مەن دامۋ تاريحىن عانا ەمەس, ونىڭ بولاشاعىن دا ءسىزدىڭ اتىڭىزبەن بايلانىستىرامىز», – دەلىنگەن حاتتا. قاراعاندى قالاسىنان «سانتەحپروم» جشس جۇمىسكەرلەرى نۇرسۇلتان نازارباەۆقا كاسىپكەرلىككە جان-جاقتى قولداۋ كورسەتكەنى ءۇشىن العىس بىلدىرگەن, سونداي-اق, سايلاۋدا ءوز كانديداتۋراسىن ۇسىنۋىن وتىنگەن. «تالاس ينۆەست كومپاني» جشس ۇجىمى بىرلەسكەن كۇش-جىگەردى «نۇرلى جول» باعدارلاماسىن جۇزەگە اسىرۋعا جۇمىلدىرۋ قاجەتتىگىن اتاي وتىرىپ, نۇرسۇلتان نازارباەۆتان كانديداتۋراسىن ەل پرەزيدەنتى لاۋازىمىنا ۇسىنۋدى سۇرايدى. «ءبىز  كاسىپورىنىمىزدىڭ ءارى دە مەملەكەتپەن جانە سىزبەن, ءبىزدىڭ پرە­زيدەنتىمىزبەن بىرگە وسكەنىن قالاي­مىز. تاتۋلىق, كەلىسىم, تۇراقتىلىق جانە قازاقستاننىڭ ءارى قاراي وركەندەۋى – وسىنىڭ ءبارى ءبىز ءۇشىن اسا قىمبات. بىزگە قازىر تاياۋ جىلدارى تۇراقتى جۇمىس ىستەيتىنىمىزگە سەنىمدى بولۋ ماڭىزدى. مۇنداي سەنىمدىلىكتى بىزگە ءسىز بەرەسىز», – دەپ جازادى اۆتورلار. الماتى وبلىسىنان «شاڭىراق» جشس جۇمىسشىلارى ەل دامۋىنىڭ ءتۇرلى ساتىلارىندا ونىڭ تۇراقتىلىعىن ءوز شەشىمدەرىمەن قامتاماسىز ەتىپ وتىرعان نۇرسۇلتان نازارباەۆقا دەگەن سەنىمدەرى جوعارى ەكەنىن اتاپ وتكەن. «ءبىز الداعى سايلاۋدا ءوز كاندي­داتۋراڭىزدى ۇسىنۋدى سۇرايمىز. ەلىنىڭ بولاشاعىن ويلايتىن كەز كەلگەن ازامات ءۇشىن بۇل دۇرىس شەشىم بولادى. ويتكەنى, ەلىمىزدىڭ دامىعان 30 مەملەكەتتىڭ قاتارىنا ەنۋى, تۇتاستىعى, بەيبىت ءومىرى, ۇلتارالىق جانە دىنارالىق كەلىسىمى ءسىزدىڭ سىندارلى ساياساتىڭىزدىڭ جەمىسى بولىپ سانالادى», – دەلىنگەن حاتتا. اتىراۋ مۇناي وڭدەۋ زاۋىتىنىڭ كوپۇلتتى ءارى مىڭداعان ادامدىق ۇجىمى دوستىق پەن بىرلىك ەلىمىزدىڭ ەڭ ماڭىزدى تابىسى ەكەنىن اتاپ وتكەن. «سىزگە شەكسىز ريزاشىلىعىمىزدى بىلدىرە وتىرىپ, پرەزيدەنت سايلاۋىنا قاتىسۋ ءۇشىن كانديداتۋراڭىزدى ۇسىنۋدى سۇرايمىز», – دەلىنگەن حاتتا. سولتۇستىك قازاقستان وبلىسىنىڭ سميرنوۆو اۋىلىنداعى شارۋا قو­جا­­­لىعىنىڭ باسشىسى پ.لەونوۆ نۇر­سۇل­تان نازارباەۆتىڭ باتىل باستامالارى قازاقستان حالقىن تۋعان ەلدىڭ يگىلىگى ءۇشىن كۇندەلىكتى ەڭبەككە جىگەر­لەن­دىرەتىنىن اتاپ وتكەن. «جەكە ءوزىمنىڭ جانە ۇجىمىمنىڭ اتىنان بۇلجىماس ۇستانىمىمىزدى ايتقىم كەلەدى. – ءسىز ءبىزدىڭ بىردەن-ءبىر كوشباسشىمىزسىز. الداعى سايلاۋعا ءوز كانديداتۋراڭىزدى ۇسىنۋىڭىزدى سۇرايمىن. ءبىزدىڭ ءبارىمىز, ءبىرتۇ­تاس قا­­زاقستان حالقى, ءسىزدىڭ كانديدا­تۋ­راڭىز­دى قولدايمىز», – دەپ جازادى اۆتور. قازاقستان حالقى اسسامبلەياسىنىڭ مۇشەسى, «دنەپرو» ۋكراين مادەني ورتالىعى» قوعامدىق بىرلەستىگىنىڭ ءتور­اعاسى ف.كليمەنكو مەملەكەت باس­شىسىنىڭ كوشباسشىلىق قاسيەتى مەن سارقىلماس قۋاتىنىڭ ارقاسىندا قازاقستان ەتنوسارالىق جانە كونفەس­سيا­ارالىق كەلىسىمنىڭ ۇلگىسىنە اينالعانىن اتاپ وتكەن. «مەن, قازاقستان حالقى اسسام­بلەيا­سىنىڭ ارداگەرى, ونىڭ قۇرىلعاننان بەرگى بارلىق سەسسيالارىنىڭ قاتىسۋشىسى, سىزدەن وتىنەمىن: كانديداتۋراڭىزدى قازاقستان رەسپۋبليكاسىنىڭ پرە­زيدەنتى لاۋازىمىنا ۇسىنىڭىز. حالىق سىزبەن بىرگە!», – دەپ جازادى اۆتور. اۋىر اتلەتيكادان ەكى دۇركىن وليمپيادا چەمپيونى جانە ءتورت دۇركىن الەم چەمپيونى ي.يلين ءوز حاتىندا قىزىلوردا وبلىسى تۇرعىندارى اتىنان نۇرسۇلتان نازارباەۆقا سايلاۋعا قاتىسۋ تۋرالى ءوتىنىش جەتكىزگەن. «قازىرگى كەزدە تەك ءسىز عانا ءبىزدىڭ ەلىمىزدى باسقارىپ, بارلىق سىناقتاردان الىپ وتە الاسىز, – دەيدى سپورتشى. جامبىل وبلىسىنان شىققان الەم چەمپيوندارى  مەن حالىقارالىق جارىستاردىڭ جەڭىمپازدارى ءوز حاتتارىندا ەلىمىزدە ەكونوميكامەن قاتار سپورتتىڭ دامۋىنا زور كوڭىل ءبولىنىپ, ول لايىقتى اتلەتتەردىڭ وسۋىنە مۇمكىندىك بەرىپ وتىرعانىن اتاپ وتكەن. «قۇرمەتىنە ەلىمىزدىڭ تۋى كوتەرىلىپ كەلە جاتقان ءبىزدىڭ سپورتشىلاردىڭ  وليمپيا ويىندارىنداعى, الەم جانە ازيا چەمپيوناتتارىنداعى جەڭىستەرى – قازاقستاننىڭ سەنىمدى قولدا ەكەنىنىڭ ايعاعى. سوندىقتان ءبىراۋىزدان ءسىزدىڭ سايلاۋعا قاتىسۋىڭىزدى وتىنەمىز», – دەلىنگەن جەدەلحاتتا. ەلدىڭ ۇلتتىق سپورت تۇرلەرى قاۋىم­داستىعىنىڭ وكىلدەرى پرەزيدەنتتىك سايلاۋ وتكىزۋ تۋرالى شەشىمدى قول­دايتىن­دارىن مالىمدەي وتىرىپ, رەسپۋب­ليكا­مىز ەلباسىنىڭ باسشىلىعىمەن تاتۋ­لىق پەن تىنىشتىقتا ءومىر سۇرەتىنىن ايتقان. ەلدىڭ ءتۇرلى وڭىرىنەن ءوز قالاۋلارىن دەنساۋلىق ساقتاۋ سالاسىنىڭ ەڭ­بەك­كەرلەرى دە جولداۋدا. ماسەلەن, «تال­دىقورعان قالاسىنىڭ قالالىق ەمحاناسى» مقك ۇجىمى مەملەكەت باسشىسىنىڭ ەل دامۋىنا قوسقان وراسان زور ۇلەسىن اتاي كەلىپ, الداعى سايلاۋعا قاتىسۋ جونىندە ءوتىنىش بىلدىرگەن. «بۇكىل رەسپۋبليكامىزدىڭ تۇر­عىندارى كۇندەلىكتى ومىردە ءسىزدىڭ كورەگەن ساياساتىڭىزدىڭ ناتيجەسىن سەزىنىپ كەلەدى. ءسىزدىڭ باسشىلىعىڭىزبەن ەل الدا دا قارقىندى دامي بەرەتىنىنە ءبىز سەنىمدىمىز. قازاقستان حالقى ءۇشىن ءسىز  تۇراقتىلىق تىرەگى جانە بۇدان ءارى وركەندەۋدىڭ كەپىلىسىز. ءبىز سىزگە جانە حالىقتىڭ ءال-اۋقاتىن جاقسارتۋعا باعىتتالعان ءسىز جۇرگىزىپ وتىرعان ساياساتقا سەنەمىز. قازاقستان حالقى تابىستىڭ جولىمەن باتىل قادام باسىپ, سىزبەن بىرگە العا ىلگەرىلەيتىن بولادى», – دەپ جازىپتى اۆتورلار. الماتى قالالىق №7 كلينيكالىق اۋرۋحاناسىنىڭ وكىلدەرى تەك نۇرسۇلتان نازارباەۆتىڭ باسشىلىعىمەن عانا قازاقستان ءوز دامۋىنىڭ قارقىنىن بۇدان ءارى دە باتىل ۇدەتە بەرەتىنىنە, تاۋەلسىزدىك جىلدارى قول جەتكەن تابىستاردى ساقتاپ, ەسەلەيتىنىنە, كەز كەلگەن قاۋىپ پەن سىن-قاتەرگە لايىقتى قارسى تۇرا الاتىنىنا سەنىم بىلدىرەدى. «ءسىز ءبىزدىڭ بىردەن-ءبىر كانديداتىمىزسىز, سوندىقتان ءبىز سىزدەن الداعى پرەزيدەنت سايلاۋىنا قاتىسۋىڭىزدى ءوتىنىپ, حات جولداپ وتىرمىز. ءبىز سىزگە ءوز مەملەكەتىمىزدىڭ بۇدان ارعى تاعدىرىن سەنىپ تاپسىرامىز», – دەلىنىپتى حاتتا. شىمكەنت قالاسىنىڭ №2 قالالىق اۋرۋحاناسىنىڭ ۇجىمى پرەزيدەنت سايلاۋىن وتكىزۋدىڭ ەكونوميكالىق جانە سايا­سي قاجەتتىلىكتەن تۋىنداپ وتىرعانىن اتاپ وتكەن. ولار سونداي-اق, نۇرسۇلتان نازارباەۆتىڭ باستامانى قولداعانىنا ريزاشىلىق بىلدىرە كەلە, ونىڭ سايلاۋعا قاتىسقانىن قالايتىندارىن جەتكىزگەن. سەمەي قالاسىنىڭ وڭىرلىك ونكو­لوگيالىق ديسپانسەرىنىڭ ەڭبەككەرلەرى  نۇرسۇلتان نازارباەۆتى قازاقستان رەس­پۋبليكاسى پرەزيدەنتىنە كانديداتتار قاتارىنان كورگىلەرى كەلەتىندىگىن ايتقان. «ءبىز ءسىز قازاقستاندىقتاردىڭ ميل­ليونداعان وتىنىشىنە قۇلاق اسىپ, سايلاۋعا قاتىسادى دەپ ۇمىتتەنەمىز. ءبىزدىڭ تاعدىرىمىز ورتاق, ەلىمىز ءبىر, پرە­زيدەنتىمىز بىرەۋ – ول ءسىز.  ءبىزدىڭ بولا­شاعىمىز ءبىر – ول ءبىزدىڭ «ماڭگىلىك ەل». قازاقستان حالقى ءوز جارقىن بولا­شاعىنىڭ سايلاۋىنا قىزۋ اتسالىسادى دەپ ءبىز سەنەمىز», – دەپ جازادى اۆتورلار. تاراز مەملەكەتتىك پەداگوگيكالىق ينستيتۋتىنىڭ پروفەسسورلىق-وقى­تۋشىلىق قۇرامى مەن قىزمەتكەرلەرى 2011 جىلعى سايلاۋدىڭ الدىنداعى كەزەڭدە قويىلعان بارلىق ماقساتتارعا تابىستى تۇردە قول جەتكىزىلگەنىن ايرىقشا اتاپ وتكەن. «ءبىز كوپەتنوستىق حالقىمىزدىڭ بىرلىگى مەن كەلىسىمىن نىعايتۋعا باعىت­تالعان ءسىزدىڭ قىزمەتىڭىزدى ءاردايىم قولدادىق. پرەزيدەنت سايلاۋىن وتكىزۋ تۋرالى شەشىمدى تولىقتاي قولداي وتى­رىپ, سىزدەن وعان قاتىسۋىڭىزدى وتىنەمىز. بۇل – تاعدىرىمەن ءسىز ءوزىڭىزدىڭ بۇكىل ءومىرىڭىزدى بايلانىستىرعان بارشا حالىقتىڭ قالاۋى», – دەپ جازادى حات اۆتورلارى. شىمكەنت قالاسىنداعى ءبىلىم بەرۋ قىزمەتكەرلەرى كاسىپوداعىنىڭ ءمۇ­شەلەرى  دە ءوز حاتتارىندا مەملەكەت باسشىسىنىڭ اتىنا سايلاۋعا قاتىسۋ تۋرالى وتىنىشتەرىن جولدادى. اۆتورلار سايلاۋ وتكىزۋ ەلدىڭ بۇدان ءارى دامۋىن قامتاماسىز ەتە وتىرىپ, اۋقىمدى جۇمىستاردى جالعاستىرۋعا مۇمكىندىك بەرەتىنىنە سەنىم بىلدىرگەن. ورال قالاسىنىڭ ا.س.ماكارەنكو اتىنداعى №6 ورتا مەكتەبىنىڭ پەدا­گو­گيكالىق ۇجىمى پرەزيدەنت سايلاۋىن وتكىزۋدى قىزۋ قولداپ, مەملەكەت باسشىسىنان وعان قاتىسۋدى وتىنەدى. «ءبىزدىڭ ءبارىمىز ءۇشىن ءسىز – دانا­لىقتىڭ, ەڭبەكسۇيگىشتىكتىڭ, وتانعا قالتقىسىز قىزمەت ەتۋدىڭ ۇلگىسىز. ءسىزدىڭ ءومىرىڭىز – جاستار ءوز وتانىن ءسۇيۋدى وقىپ-ۇيرەنەتىن وقۋلىق. تاتۋلىق پەن كەلىسىم جاعدايىندا بالالاردى وقىتىپ, تاربيەلەۋگە, وتان يگىلىگىنە جۇمىس ىستەۋگە, ەرتەڭگى كۇنگە سەنىمدى بولۋعا بەرىلگەن مۇمكىندىك ءۇشىن سىزگە العىس ايتامىز. ءبىزدىڭ تاڭداۋىمىز – تابىس­تى قازاقستان. ءبىز ءسىزدى قولدايمىز», – دەلىنگەن جەدەلحاتتا. «قازاقستان ارحەولوگيالىق قوعامى» قوعامدىق بىرلەستىگىنىڭ وكىلدەرى دە نۇرسۇلتان نازارباەۆقا سايلاۋعا ءوز كانديداتۋراسىن ۇسىنۋدى ءوتىنىپتى. «ءسىز – قازاقستاننىڭ مەملە­كەت­تىلىگىنىڭ كەپىلىسىز, وزگە ەلباسى بىزگە كەرەك ەمەس», – دەپ جازادى اۆتورلار. الماتى قالاسىنداعى ورتالىق مەملەكەتتىك مۇراعات قىزمەتكەرلەرى ءوز كەزەگىندە نۇرسۇلتان نازارباەۆتىڭ جەڭىسى جاڭا جەتىستىكتەردىڭ, قارقىندى دامۋدىڭ, ەلدىڭ باقۋاتتىلىعىنىڭ باستى كەپىلىنە اينالاتىنىن ايتقان. «قازاقستان حالقىنا ارنالعان «نۇرلى جول» جولداۋىندا ايتىلعان مىندەتتەر تەك ءسىزدىڭ باسشىلىعىڭىزبەن عانا جۇزەگە اسىرىلاتىنىنا سەنىمدىمىز», – دەلىنگەن حاتتا. رەسپۋبليكانىڭ ستۋدەنت جانە جاستار ۇيىمدارىنىڭ جەتەكشىلەرى مەملەكەت باسشىسىنىڭ جاس بۋىنعا قولداۋى مەن قامقورلىعى قازاقستان بولاشاعىمەن تىكەلەي بايلانىستى ەكەنىن اتاپ وتكەن. «ءسىزدىڭ «جاستار – ءبىزدىڭ بولاشا­عىمىزدىڭ تىرەگى» دەگەن ءسوزىڭىز ءبىز ءۇشىن شابىت بەرەتىن باعدار قىزمەتىن اتقارادى. سوندىقتان دا ءبىز ءسىزدىڭ ەلدى دامىتۋ باعىتىڭىزدىڭ جالعاسۋىن قولدايمىز. سىزدەن جاستاردىڭ تاڭداۋىن ەسكەرىپ, الداعى پرەزيدەنت سايلاۋىندا مەملەكەت باسشىسى لاۋازىمىنا ۇم­تى­لۋىڭىزدى سۇرايمىز», – دەلىنگەن حاتتا. بەلگىلى كومپوزيتور ءا.جەلدىباەۆ ءوز حاتىندا جامبىل وبلىسىنىڭ ونەر قاي­راتكەرلەرى پرەزيدەنت سايلاۋىن وتكىزۋ تۋرالى شەشىمدى قۇپتاعاندارىن ايتقان. «ءسىزدىڭ وسكەلەڭ ۇرپاققا دا, اعا بۋىنعا دا قامقورلىعىڭىز ءۇشىن ريزامىن. سىندارلى ساياساتىڭىزدى تو­لىعىمەن قولدايمىن. بۇل تۋرالى شى­نايى نيەتپەن, شىن جۇرەكتەن ايتا وتىرىپ, ونەر قايراتكەرلەرى اتى­نان قازاقستان رەسپۋبليكاسىنىڭ پرە­زي­دەنتىنە كانديدات رەتىندە تىركەلۋىڭىزدى وتىنەمىن», – دەلىنگەن حاتتا. تاراز قالاسىنان حات جازعان جازۋشى-پۋبليتسيست ا.بەكبوسىن الەمدە بولىپ جاتقان وقيعالار ىشكى جانە سىرتقى سايا­ساتتا سارالانعان ءارى سىندارلى شەشىم­دەر قابىلداۋدى قاجەت ەتەتىنىن ايتادى. «سايكەسىنشە, ەل ءۇشىن اسا جاۋاپتى وسى كەزەڭدە ءومىردىڭ ءوزى جانە حالىق مەملەكەت باسىندا ءسىز سياقتى تاجىريبەلى, كوپتىڭ قۇرمەتى مەن سەنىمىنە يە تۇلعانىڭ تۇرعانىن تالاپ ەتەدى»,  – دەپ جازادى اۆتور. تاراز قالاسىنىڭ تۇرعىنى س.وسپانوۆ وتباسىنىڭ جانە دوستارىنىڭ اتىنان مەملەكەت باسشىسىنا الداعى سايلاۋعا ءوز كانديداتۋراسىن ۇسىنۋدى وتىنەدى. «قازاقستاننىڭ دامۋى ءۇشىن ءسىزدىڭ قالاي قاجىماي ەڭبەك ەتەتىنىڭىزدى ءبىز جاقسى بىلەمىز جانە ءسىزدىڭ كۇش-ءجى­گەرىڭىزگە قولداۋ بىلدىرەمىز», – دەپ جازىپتى اۆتورلار. پاۆلودار قالاسىنىڭ تۇرعىنى ك.لاۋباەۆ مەملەكەت باسشىسىنا قا­زاق­ستاننىڭ قالىپتاسۋىنا قوسقان باعا جەتپەس ۇلەسى ءۇشىن ەرەكشە ولەڭ جولدارى ارقىلى العىس ايتىپ, نۇرسۇلتان نازارباەۆتىڭ باسشىلىعىمەن ەلىمىز الەمدەگى دامىعان 30 ەلدىڭ قاتارىنا قوسىلاتىنىنا سەنىمىن بىلدىرگەن. الماتى وبلىسىنىڭ كەگەن اۋىلىنان س.ورازاەۆ ەلدىڭ ورنىقتى دامۋىن, بىرلىكتى قامتاماسىز ەتۋ جولىنداعى جۇمىستى جالعاستىرۋ ءۇشىن مەملەكەت باسشىسىنىڭ سايلاۋعا قاتىسىپ, جاڭا سەنىم مانداتىنا يە بولۋى قاجەتتىگى تۋرالى پىكىر بىلدىرەدى. تەمىرتاۋ قالاسىنىڭ تۇرعىنى ۆ.س.حومياكوۆا قازاقستان حالقىنىڭ باقۋاتتى ءومىرىن قامتاماسىز ەتۋ جولىندا جۇمساپ كەلە جاتقان پرەزيدەنتتىڭ كۇش-جىگەرى ءۇشىن ريزاشىلىعىن ءبىلدىرىپ, ونىڭ الداعى پرەزيدەنت سايلاۋىنا قاتىسۋىن وتىنگەن. قازاقستان رەسپۋبليكاسى پرە­زي­دەنتىنىڭ كەزەكتەن تىس سايلاۋىن تاعاي­ىنداۋعا بايلانىستى حاتتار لەگى تولاسسىز جالعاسۋدا.