شىمكەنتتىڭ باتىس جاق بەتكەيىندەگى «چاپاەۆكا» دەپ اتالاتىن شاعىن اۋدانىنىڭ تۇرعىندارى تاڭەرتەڭگىلىك ەسىك الدىنا ابايلاپ شىعاتىن بولدى. وعان سەبەپ – ءبىر كەزدەگى رەنجىسۋدى كەك ساقتاۋ. ونىڭ ەسەسىن قايتارۋ. ءيا, ءتىرشىلىك بولعاننان كەيىن رەنجىسۋ, شالكەم-شالىس ءسوز ايتىلادى عوي. جاعا جىرتىلۋى مۇمكىن. ۋاقىت وتە ۇمتىلار. بىراق, كۇندەردىڭ كۇنىندە سول وقيعا ەسىك الدىنان اياققا كىرەتىن شەگە, اينەك, جارىلعىش زات بولىپ «ورالىپ», ءۇي يەلەرىنىڭ ءبىرى زارداپ شەگىپ جاتادى.
تاياۋدا 11 جاسار مەكتەپ وقۋشىسى ەسىك الدىنا تاستاعان جارىلعىش پاكەتتى باسىپ كەتىپ, سول جاق تابانى ءبىرىنشى دارەجەلى كۇيىككە شالدىقتى. وبلىستىق ءىىد جانە ەڭبەكشى اۋداندىق ءاىىب قىزمەتكەرلەرىنەن قۇرالعان جەدەل-تەرگەۋ توبى ءبىر تاۋلىك ىشىندە «چاپاەۆكا» شاعىن اۋدانىنان كۇدىكتىنى ۇستادى. بىراق, مۇنىمەن ءىس ءبىتىپ, ءتىرلىك رەتتەلە مە؟..
ارادا كۇن وتپەي جاتىپ, تاعى ءبىر قولدان جاسالعان بومبا جارىلدى. بۇل جولى 1976 جىلى دۇنيەگە كەلگەن ازاماتتىڭ تابانى كۇيىپ قالدى. تۇرعىندار وسى شاعىن اۋداندا كەزىندە جارىلعىش دايىندايتىن كاسىپورىن بولعانىن ايتادى. اۋىل تۇرعىندارىنىڭ ءبىرازى سوندا جۇمىس ىستەگەن. ءتاجىريبە بار. جارىلىسقا كەرەك بولشەكتەر دۇكەندەردە تولىپ تۇر. وڭتايى كەلسە ەسەسى كەتكەننەن كەك الۋدىڭ وڭاي ءتاسىلى وسى ەكەن.
باقتيار تايجان,
«ەگەمەن قازاقستان».
شىمكەنت.