جۇمىستى جوعارى بىلىكتىلىكپەن جۇرگىزۋ ماڭىزدى

كەشە مەملەكەت باسشىسى نۇرسۇلتان نازارباەۆ ۇلتتىق بانكتىڭ توراعاسى قايرات كەلىمبەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. قابىلداۋ بارىسىندا ق.كە­لىمبەتوۆ ەلدىڭ قارجى سەكتورى مەن بانك جۇيەسىنىڭ احۋالى تۋرالى باياندادى. نۇرسۇلتان نازارباەۆ كۇردەلى ەكونوميكالىق جاعدايعا بايلانىستى كوپ نارسە ۇلتتىق بانكتىڭ جۇمىسىنا, سونداي-اق, مەملەكەتتىڭ اقشا-نەسيە ساياساتىنا تاۋەلدى ەكەنىن اتاپ ءوتتى. – بيۋدجەت جاعدايىنىڭ ناشارلاۋىنا, بارلىق ەكس­پورت­تىق تاۋارلارىمىزعا باعا­نىڭ تومەندەۋىنە بايلانىس­تى ­ۇل­ت­­تىق بانكتىڭ ءوز جۇمىسىن جوعا­رى بىلىكتىلىكپەن جۇرگىزۋى اسا ماڭىزدى, – دەدى قازاقستان پرەزيدەنتى. ال ۇلتتىق بانك توراعاسى بيىلعى قاڭتار مەن ماۋسىم ارالىعى كەزەڭىندە ينفلياتسيا 1,4 پايىزعا تەڭ بولعانىن, بۇل رەتتە جىلدىق ينفلياتسيا 3,9 پايىزدى قۇراعانىن ايتتى. – بۇل وسى ۋاقىتقا دەيىنگى ەڭ تومەن كورسەتكىش, ياعني ءبىز ­ينفلياتسيانى 3-4 پايىز دەڭ­گە­يىندە ساقتاۋ جونىندەگى تاپسىرمانى ورىندادىق. بۇل ورايدا, ۇلتتىق بانكتىڭ جيىنتىق حالىقارالىق رەزەرۆى 29 ميلليارد دوللار بولدى. سالىمدار ءبىرىنشى جارتىجىلدىقتا 2,3 پايىزعا ۇلعايدى. سونىمەن قاتار, تولەم مەرزىمى 90 كۇننەن اسىپ كەتكەن قارىزدار ۇلەسىن ازايتۋ ماسەلەسى شەشىلدى, بۇ­رىن ونىڭ كولەمى 33 پايىز­عا جەتكەن بولسا, قازىرگى ۋا­قىت­تا ول 9,98 پايىزعا دەيىن ءتو­مەندەدى, – دەدى ق.كەلىم­بەتوۆ. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرمالار بەردى.