قاراعاندى. 18 تامىز. قاراعاندى وبلىسىندا پوليتسيانىڭ بەس قىزمەتكەرى مىنگەن اۆتوكولىك اپاتقا ۇشىرادى. بۇل تۋرالى وبلىستىق ىشكى ىستەر باسقارماسىنىڭ ءباسپاسوز قىزمەتى حابارلادى.
جول-كولىك وقيعاسى ساتباەۆ جانە جەزقازعان قالالارى اراسىنداعى تاس جولدا ورىن العان. الدىن الا تەكسەرۋ بارىسىندا پوليتسيا قىزمەتكەرلەرى مىنگەن «ۆاز-21214» اۆتوكولىگىنىڭ الدىڭعى دوڭگەلەگى ءجۇرىپ كەلە جاتقاندا جارىلىپ كەتكەن ەكەن. سونىڭ سالدارىنان كولىك اۋدارىلىپ تۇسەدى. اۆتوكولىك ىشىندە قىزمەت بابىنداعى بەس بىردەي ءتارتىپ ساقشىسى بولعان. زارداپ شەككەندەرگە مەديتسينالىق كومەك كورسەتىلدى.
قازىرگى ۋاقىتتا وسى جول-كولىك وقيعاسى بويىنشا قىزمەتتىك تەكسەرۋ جۇرگىزىلۋدە.
قايرات ءابىلدينوۆ.
دەرەك: قاراعاندى وبلىستىق ىشكى ىستەر باسقارماسىنىڭ ءباسپاسوز قىزمەتى.
سۋرەت: lenta.ru.