ماڭىزدى زاڭدار توپتاماسى قارالادى

الداعى پالاتا وتىرىسىندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولاردى قازاقستان رەسپۋبليكاسىنىڭ كونستيتۋتسياسىنا ساي­كەس كەلتىرۋ, قازاقستان رەسپۋب­ليكاسىنىڭ سايلاۋ, پروكۋراتۋرا جانە الەۋمەتتىك قام­سىز­داندىرۋ تۋرالى زاڭناماسىن جەتىل­دىرۋ ماسەلەلەرى بو­يىنشا وزگەرىستەر مەن تولىق­تىرۋ­لار ەنگىزۋ تۋرالى» جانە وعان ىلەسپە «قازاق­ستان رەسپۋبليكاسىنىڭ قىلمىس­تىق, قىلمىستىق-پرو­تسەس­تىك, قىلمىستىق-ات­قارۋ كودەكس­تەرىنە جانە قازاق­ستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ولاردى قازاقستان رەسپۋبليكاسىنىڭ كونستيتۋ­تسياسىنا سايكەس كەلتىرۋ, قازاقستان رەسپۋبليكاسىنىڭ سايلاۋ جانە پروكۋراتۋرا تۋرالى زاڭناماسىن جەتىل­دىرۋ ماسەلەلەرى بويىنشا وزگە­رىس­تەر مەن تولىقتىرۋلار ەنگىزۋ تۋرالى» زاڭداردى قارايدى.

اتالعان قۇجاتتاردىڭ نەگىزگى ماقساتى – زاڭنامالىق اكتى­لەردى جاڭارتىلعان كونس­تي­تۋتسيا تالاپتارىنا ساي­كەستەندىرۋ, سايلاۋ راسىمدەرىن جەتىلدىرۋ جانە ۇلتتىق زاڭ­نامانىڭ جەكەلەگەن سالالارىن ودان ءارى دامىتۋ.سونىمەن قاتار كۇن تار­تىبىنە «قازاقستان رەسپۋب­ليكاسىنىڭ كەيبىر زاڭناما­لىق اكتىلەرىنە عىلىم, عىلىم­دى قاجەتسىنەتىن اۋماقتار, الەۋمەتتىك قامسىزداندىرۋ, ءبىلىم بەرۋ, دەنساۋلىق ساقتاۋ جانە اسكەري قىزمەت ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ەنگىزىلدى. زاڭ نورمالارى عىلىم جانە عىلىمي-تەحنيكالىق قىزمەت سالاسىنداعى قوعامدىق قاتى­ناستاردى قۇقىقتىق رەتتەۋ تەتىكتەرىن جەتىلدىرۋگە, ءبىلىم, عىلىم جانە ەكونوميكا اراسىنداعى بايلانىس­تى نىعايتۋعا, سونداي-اق الەۋمەتتىك جانە مەملەكەتتىك جۇيەلەردىڭ تيىمدىلىگىن ارت­تىرۋعا باعىتتالعان.

بۇعان قوسا الداعى وتىرىس­تا سەناتورلار «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسىنىڭ سالىق كودەكسىنە وزگەرىستەر ەنگىزۋ تۋرالى» زاڭداردى جانە باسقا دا زاڭداردى قارايدى.

وتىرىس بارىسىندا دەپۋتاتتار ءماجىلىس قابىلداعان زاڭداردى تۇراقتى كوميتەتتەر اراسىندا ءبولىپ, مەملەكەت باسشىسىنىڭ تاپسىرمالارىن ىسكە اسىرۋ جونىندەگى سەناتتىڭ جۇمىس جوسپارىن تالقىلادى.