پرەزيدەنت قاسىم-جومارت توقاەۆ حالىقارالىق بالالاردى قورعاۋ كۇنىمەن قۇتتىقتادى, دەپ حابارلايدى Egemen.kz.
پرەزيدەنت Instagram پاراقشاسىندا جاريالاعان قۇتتىقتاۋىندا جاس ۇرپاقتىڭ قۇقىعىن قورعاۋ, دەنساۋلىعىن ساقتاۋ جانە ولاردىڭ جان-جاقتى دامۋىنا جاعداي جاساۋ جالپىۇلتتىق ماقسات ءارى كونستيتۋتسيالىق مىندەت ەكەنىن اتاپ ءوتتى.
«حالىقارالىق بالالاردى قورعاۋ كۇنى قۇتتى بولسىن! جاس ۇرپاقتىڭ قۇقىعىن قورعاۋ, دەنساۋلىعىن ساقتاۋ جانە ولاردىڭ جان-جاقتى دامۋىنا قولايلى جاعداي جاساۋ – جالپىۇلتتىق ماقسات جانە كونستيتۋتسيالىق مىندەت. اۋىزبىرشىلىگى مىقتى, تاتۋ-ءتاتتى وتباسى – باقىتتى بالالىق شاقتىڭ ارقاۋى. سوندىقتان وتباسى قۇندىلىقتارىن قورعاۋ جاڭا كونستيتۋتسيانىڭ اسا ماڭىزدى نورماسىنىڭ ءبىرى رەتىندە ايقىندالدى. وسكەلەڭ ۇرپاقتىڭ جاسامپازدىق رۋحى وراسان زور. ولار ءبىلىم مەن سپورتتا, ونەردە مول تابىسقا جەتۋدە. مەنىڭ باستاماممەن قولعا الىنعان «ۇلتتىق قور – بالالارعا» جوباسى اياسىندا مەملەكەت تاراپىنان ءاربىر بالاعا قامقورلىق جاسالىپ جاتىر. بيىل «قازاقستان بالالارى» تۇجىرىمداماسى ىسكە اسىرىلا باستادى. جاس بۋىندى قولداۋ ءاردايىم ەلىمىزدىڭ, ياعني ادىلەتتى جانە وزىق قازاقستاننىڭ باستى نازارىندا بولادى», دەپ جازدى پرەزيدەنت.
مەملەكەت باسشىسى كۋبا رەسپۋبليكاسىنىڭ ۆيتسە-پرەزيدەنتى سالۆادور ۆالدەس مەسامەن كەزدەستى
ەسكە سالا كەتەيىك, بۇعان دەيىن مەملەكەت باسشىسى حورۆاتيا پرەزيدەنتىنە قۇتتىقتاۋ جەدەلحاتىن جولداعان بولاتىن.