مەملەكەت باسشىسىنىڭ تاپسىرماسىنا سايكەس 2024 جىلعى 1 قاڭتاردان باستاپ قازاقستاندا «ۇلتتىق قور – بالالارعا» باعدارلاماسى باستاۋ الدى. بۇل باستاما اياسىندا ۇلتتىق قوردىڭ ينۆەستيتسيالىق تابىسىنىڭ 50 پايىزى جىل سايىن 18 جاسقا تولماعان ازاماتتارعا بولىنەدى, دەپ حابارلايدى Egemen.kz.
قاراجات بالالارعا تۋعان ساتىنەن باستاپ اۆتوماتتى تۇردە اشىلاتىن جەكە شوتتارعا اۋدارىلادى جانە ول ءۇشىن قوسىمشا ءوتىنىش بەرۋ تالاپ ەتىلمەيدى.
بۇل قادام قازاقستان ءۇشىن ەرەكشە باستاما, سەبەبى الەمدە تابيعي رەسۋرستاردان تۇسكەن تابىستى تىكەلەي ءار بالانىڭ جەكە جيناعىنا باعىتتايتىن ەلدەر وتە از.
باعدارلاما بۇگىندە ەلدەگى بالالاردىڭ باسىم بولىگىن قامتىپ وتىر. ءبىرىنشى جىلى ءار بالاعا 100,52 اقش دوللارى ەسەپتەلسە, 2026 جىلى بۇل سوما 130,71 اقش دوللارىنا دەيىن ءوستى. قازىرگى تاڭدا قاتىسۋشىلار سانى شامامەن 6,9 ميلليون بالانى قۇرايدى.
«ۇلتتىق قور – بالالارعا» پرەزيدەنتتىك باعدارلاماسى: 3 جىل ىشىندە بالالارعا 2,5 ملرد دوللاردان استام قاراجات اۋدارىلدى
باعدارلاما ىسكە قوسىلعان ساتتەن باستاپ قاتىسىپ كەلە جاتقان بالالاردىڭ جيناقتارى ينۆەستيتسيالىق تابىستى ەسەپتەگەندە 370 دوللار 56 تسەنتكە جەتتى. بۇل تەتىك ءبىر رەتتىك قولداۋ ەمەس, كەرىسىنشە بولاشاق ۇرپاقتىڭ ءال-اۋقاتىن ارتتىرۋعا باعىتتالعان ۇزاق مەرزىمدى تۇراقتى قۇرال ەكەنىن كورسەتەدى.
ەسكە سالا كەتەيىك, بىلتىر جىل سوڭىندا ۇلتتىق قور بالالارعا 888 ملن دوللار اۋدارعان بولاتىن.