قاسىم-جومارت توقاەۆ پەن ۆلاديمير پۋتينگە كورسەتىلگەن بەينەروليكتە ءتورت امۋر جولبارىسىن «ىلە-بالقاش» مەملەكەتتىك تابيعي رەزەرۆاتى اۋماعىنا جىبەرۋ ءساتى تاسپالانعان, دەپ جازادى Egemen.kz.
جولبارىستاردى باقىلاپ وتىرۋ ءۇشىن تابيعي ورتاعا جىبەرگەنگە دەيىن ولارعا جەرسەرىكتىك قارعىباۋ ورناتىلدى.
پرەزيدەنت قاسىم-جومارت توقاەۆتىڭ 2025 جىلى قاراشا ايىندا رەسەيگە جاساعان مەملەكەتتىك ساپارى كەزىندە قازاقستانعا امۋر جولبارىستارىن اكەلۋگە ازىرلىك جانە جەتكىزىلگەن ءتۇز تاعىلارىنىڭ باستاپقى بەيىمدەۋدەن ءوتۋى بويىنشا بىرلەسكەن ءىس-شارالار جوسپارىنا قول قويىلدى. وسى ۋاعدالاستىقتارعا ساي رەسەي تاراپى ءتورت امۋر جولبارىسىن بەردى.
بۇل باستاما قازاقستانداعى جولبارىستار پوپۋلياتسياسىن قالپىنا كەلتىرۋگە جانە الەمدەگى بيوالۋانتۇرلىلىكتى ساقتاۋعا زور ۇلەس قوسادى.