2030 جىلعا دەيىن الەمدە جاڭا رەكوردتىق ىستىق جىل بولۋى مۇمكىن. بۇل تۋرالى دۇنيەجۇزىلىك مەتەورولوگيالىق ۇيىم (WMO) جاريالاعان باياندامادا ايتىلدى, دەپ جازادى Egemen.kz.
ۇيىمنىڭ مالىمەتىنشە, 2026-2030 جىلدار ارالىعىنداعى كەم دەگەندە ءبىر جىل 2024 جىلدان دا ىستىق بولۋى مۇمكىن. قازىر 2024 جىل تاريحتاعى ەڭ ىستىق جىل بولىپ ەسەپتەلەدى. مۇنداي جاعدايدىڭ بولۋ ىقتيمالدىعى – 86%. سونداي-اق الداعى 5 جىلدا ورتاشا جاھاندىق تەمپەراتۋرانىڭ يندۋسترياعا دەيىنگى كەزەڭمەن سالىستىرعاندا 1,5 گرادۋسقا جوعارى بولۋ ىقتيمالدىعى 75% ەكەنى ايتىلدى.
عالىمدار كليماتتىڭ وزگەرۋىن كومىر, مۇناي جانە گاز سياقتى قازبا وتىنداردى جاعۋدان بولىنەتىن كومىرقىشقىل گازىنىڭ كوبەيۋىمەن بايلانىستىرادى. ولاردىڭ ايتۋىنشا, جاھاندىق جىلىنۋ قازىردىڭ وزىندە ءار مينۋت سايىن ءبىر ادامنىڭ ولىمىنە سەبەپ بولىپ وتىر. ەگەر زياندى شىعارىندىلار ازايتىلماسا, بۇل جاعداي ۋشىعا ءتۇسۋى مۇمكىن.
ءزۇلفيا سۇلەيمەنوۆا: جاھاندىق جىلىنۋ كاسپي تەڭىزىنىڭ جاعدايىنا تەرىس اسەر ەتىپ جاتىر
بۇۇ-نىڭ كليمات ماسەلەلەرى جونىندەگى وكىلى سايمون ستيلل ەۋروپاداعى اپتاپ ىستىقتى كليماتتىق داعدارىستىڭ سالدارى دەپ اتادى. ونىڭ سوزىنشە, ءۇندىستان مەن ازيانىڭ باسقا ايماقتارى دا قاتتى زارداپ شەگىپ جاتىر.
عالىمدار بىرنەشە رەت تەمپەراتۋرانىڭ 1,5 گرادۋسقا كوتەرىلۋى اپتاپ ىستىقتىڭ, قۇرعاقشىلىقتىڭ, داۋىلدار مەن سۋ تاسقىندارىنىڭ كۇشەيۋىنە اكەلەتىنىن ەسكەرتكەن. سونىمەن قاتار ماماندار 2026-2030 جىلدارى تەمپەراتۋرانىڭ 2 گرادۋسقا كوتەرىلۋ ىقتيمالدىعى 1%-دان از ەكەنىن ايتتى.
تەمپەراتۋرانىڭ كوتەرىلۋىنە ەل-نينو تابيعي قۇبىلىسى دا اسەر ەتەدى.
پرەزيدەنت: جاھاندىق جىلىنۋ – ورتالىق ازيا ءۇشىن باستى سىن-قاتەردىڭ ءبىرى
اقش ۇلتتىق مۇحيتتىق جانە اتموسفەرالىق زەرتتەۋلەر باسقارماسىنىڭ مالىمەتىنشە, ەل-نينونىڭ 2026 جىلدىڭ جەلتوقسانى مەن 2027 جىلدىڭ اقپانى ارالىعىندا پايدا بولۋ ىقتيمالدىعى – 96%, ال ونىڭ كۇشتى بولۋى – 35%.
باياندامانىڭ اۆتورى لەون حەرمانسون وسى قۇبىلىس 2027 جىلدىڭ رەكوردتىق ىستىق جىل بولۋ مۇمكىندىگىن ارتتىراتىنىن ايتتى.
سونداي-اق ەسەپتە الداعى 5 قىستا اركتيكاداعى تەمپەراتۋرا قازىرگى دەڭگەيدەن ورتا ەسەپپەن 2,8 گرادۋسقا جوعارى بولاتىنى ايتىلعان. بۇل اركتيكا الەمنىڭ باسقا ايماقتارىنا قاراعاندا ءۇش ەسە جىلدام جىلىنىپ جاتقانىن كورسەتەدى.
جاھاندىق جىلىنۋ جايىلىمداردى توزدىرىپ بارادى