قازاقستاندا وقۋشىلاردىڭ حالىقارالىق دەڭگەيدە باسەكەگە قابىلەتتىلىگىن ارتتىرۋعا باعىتتالعان «سيريۋس − قازاقستان» جوباسى ىسكە اسىرىلىپ جاتىر, دەپ حابارلايدى Egemen.kz.
«قازاقستان – سيريۋس» جوباسى مەملەكەتتەر باسشىلارىنىڭ ۋاعدالاستىعىنا ساي ىسكە اسىرىلىپ جاتىر. «سيريۋس» مودەلى بويىنشا ەلىمىزدىڭ ەكى قالاسىندا ءبىلىم بەرۋ وشاعى قۇرىلادى. استانامەن قاتار بيىل قاڭتار ايىندا الماتى قالاسىندا دا مەكتەپ پەن ورتالىقتىڭ ىرگەتاسى قالاندى.
جوبانىڭ ماقساتى – دارىندى بالالاردى قامقورلىققا الىپ, عىلىم, تەحنولوگيا جانە يننوۆاتسيا سالالارىن تەرەڭ مەڭگەرگەن, باسەكەگە قابىلەتتى مامانداردىڭ جاڭا بۋىنىن تاربيەلەپ شىعارۋ.
وسى ورايدا «ورلەۋ» باۇو اق باسقارما توراعاسى الماتوۆ عالىمجان باۋىرجان ۇلىنىڭ پىكىرىن بىلگەن ەدىك.
«سيريۋس – قازاقستان» جوباسى ءبىلىم بەرۋ ۇدەرىسىنە ۇلتتىق مازمۇندى مىندەتتى تۇردە ەنگىزۋدى كوزدەيدى. وقۋ باعدارلامالارىنا «دومبىرا», «ۇلتتىق ونەر», «ۇلتتىق سپورت» كۋرستارى, سونداي-اق «ادال ازامات» ءبىرتۇتاس تاربيە باعدارلاماسى ەنگىزىلەدى. بۇل زاماناۋي ءبىلىمدى ۇلتتىق قۇندىلىقتارمەن جانە مادەني بىرەگەيلىكپەن ۇشتاستىرۋعا مۇمكىندىك بەرەدى», دەدى عالىمجان الماتوۆ.
الماتىدا «سيريۋس» مەكتەبى اشىلادى
ع. الماتوۆتىڭ ايتۋىنشا, مەملەكەت باسشىسى قاسىم-جومارت توقاەۆتىڭ تاپسىرماسى اياسىندا جۇزەگە اسىرىلىپ جاتقان «سيريۋس – قازاقستان» جوباسى ءبىلىم ساپاسىن ارتتىرۋعا جانە وقۋشىلاردىڭ حالىقارالىق دەڭگەيدەگى باسەكەگە قابىلەتتىلىگىن كۇشەيتۋگە باعىتتالعان. بۇل جوبا ءبىلىم بەرۋ سالاسىنداعى ادامي كاپيتالدى دامىتۋ جونىندەگى مەملەكەتتىك ساياساتتىڭ ماڭىزدى بولىگى سانالادى.
«ورتالىقتىڭ اشىلۋى دارىندى بالالاردى ەرتە انىقتاۋ جانە ولاردى جۇيەلى قولداۋ تەتىكتەرىن كۇشەيتۋگە مۇمكىندىك بەرەدى. جوبا اياسىندا عىلىم, تەحنولوگيا جانە جوبالىق قىزمەتكە باعىتتالعان تەرەڭدەتىلگەن باعدارلامالار ەنگىزىلىپ, تالانتتى وقۋشىلاردى قولداۋدىڭ تۇراقتى ەكوجۇيەسى قالىپتاسادى. سونىمەن قاتار STEM, ءىت, ينجەنەريا جانە زەرتتەۋ باعىتتارىنا باسىمدىق بەرۋ ارقىلى ەلدەگى زاماناۋي ءبىلىم بەرۋ ينفراقۇرىلىمىن دامىتۋعا سەرپىن بەرەدى», دەدى عالىمجان باۋىرجان ۇلى.
ونىڭ ايتۋىنشا, بۇل ورتالىقتىڭ باستى ارتىقشىلىعى − زاماناۋي ءبىلىم بەرۋ تاسىلدەرىن ۇلتتىق قۇندىلىقتارمەن ۇشتاستىرۋىندا.
«اتالعان ورتالىق وقۋشىلاردىڭ تەك اكادەميالىق ءبىلىمىن عانا ەمەس, ۇلتتىق بولمىسىن, مادەني تانىمىن جانە رۋحاني قۇندىلىقتارىن دا دامىتۋعا مۇمكىندىك بەرەدى. سونىمەن قاتار ورتالىقتا ماتەماتيكا, ينجەنەريا, جاساندى ينتەللەكت, روبوتوتەحنيكا جانە زەرتتەۋ باعىتتارىنا ەرەكشە باسىمدىق بەرىلەدى. ياعني وقۋشىلار تەوريالىق بىلىممەن قاتار پراكتيكالىق جانە جوبالىق داعدىلاردى مەڭگەرەدى. سونىڭ ارقاسىندا جوبا حالىقارالىق دەڭگەيدەگى زاماناۋي ءبىلىم بەرۋ تاسىلدەرىن قازاق حالقىنىڭ مادەني مۇراسىمەن ۇيلەستىرەتىن بىرەگەي مودەل قالىپتاستىرۋى مۇمكىن. بۇل ءوز كەزەگىندە ۇلتتىق ءبىلىم بەرۋ جۇيەسىنىڭ جاڭا ساپالىق دەڭگەيگە كوتەرىلۋىنە ىقپال ەتەدى», دەدى ع. باۋىرجان ۇلى.
عالىمجان الماتوۆتىڭ پىكىرىنشە, جوبا وتاندىق پەداگوگتەردىڭ كاسىبي دامۋىنا دا وڭ ىقپال ەتەدى. «سيريۋس – قازاقستان» جوباسىندا پەداگوگيكالىق قۇرام نەگىزىنەن وتاندىق مامانداردان جاساقتالادى. ولاردىڭ ۇلەسى شامامەن 80 پايىزدى قۇرايدى.
گۇلجاينا ەلەۋسىنوۆا: «سيريۋس – قازاقستان» جوباسى – ساپالى ءبىلىم مەن ۇلتتىق قۇندىلىق ۇندەستىگى
«سونىمەن قاتار حالىقارالىق تاجىريبە مەن «تالانت جانە تابىس» قورىنىڭ بىلىكتىلىكتى ارتتىرۋ باعدارلامالارىن قولدانۋ كوزدەلەدى. بۇل قازاقستان پەداگوگتەرىنىڭ تاجىريبەسىن الەمدەگى وزىق ادىستەرمەن ۇشتاستىرۋعا, زاماناۋي ءبىلىم بەرۋ تەحنولوگيالارىن مەڭگەرۋگە جانە كاسىبي قۇزىرەتتەرىن ارتتىرۋعا مۇمكىندىك بەرەدى», دەدى ول.
ونىڭ ايتۋىنشا, «سيريۋس – قازاقستان» جوباسى عىلىم, تەحنولوگيا جانە يننوۆاتسيا سالاسىنداعى جاڭا بۋىن ماماندارىن دايارلاۋعا باعىتتالادى.
«اسىرەسە ءىت, ينجەنەريا, جاساندى ينتەللەكت, روبوتوتەحنيكا جانە زەرتتەۋ باعىتتارىنداعى ماماندارعا باسىمدىق بەرىلۋى مۇمكىن. سونىمەن قاتار جوبا وقۋشىلاردىڭ اناليتيكالىق ويلاۋىن, جوبالىق جانە زەرتتەۋشىلىك داعدىلارىن دامىتۋعا مۇمكىندىك بەرەدى. بۇل بولاشاقتا عىلىمي-زەرتتەۋ, جوعارى تەحنولوگيا, تسيفرلىق ەكونوميكا جانە ينجەنەرلىك يندۋستريا سالالارىندا باسەكەگە قابىلەتتى مامانداردىڭ قالىپتاسۋىنا ىقپال ەتەدى. ۇزاق مەرزىمدى پەرسپەكتيۆادا جوبا ەلدىڭ زياتكەرلىك الەۋەتىن نىعايتىپ, ءبىلىم ەكونوميكاسىن دامىتۋعا نەگىز بولادى. سونداي-اق عىلىمي-تەحنولوگيالىق باعىتتار بويىنشا ەرتە كاسىبي باعدار بەرۋ ارقىلى تالانتتى جاستاردىڭ الەۋەتىن اشۋعا جانە حالىقارالىق دەڭگەيدە سۇرانىسقا يە كادرلار دايارلاۋعا مۇمكىندىك بەرەدى. قازاقستان ءۇشىن ءبىلىم مەن ادامي كاپيتال نەگىزگى ستراتەگيالىق رەسۋرسقا اينالادى», دەپ تۇيىندەدى عالىمجان الماتوۆ.
قانىبەك جۇماشەۆ: «سيريۋس – قازاقستان» جوباسى ۇلتتىق مازمۇندا ەنگىزىلەدى
ەسكە سالايىق, بۇگىن قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير پۋتين ونلاين-فورماتتا «قازاقستان – سيريۋس» حالىقارالىق ءبىلىم بەرۋ ينفراقۇرىلىمىنىڭ كاپسۋلاسىن سالۋ راسىمىنە قاتىستى. كەلەشەك كەشەننىڭ ىرگەتاسىنا رامىزدىك كاپسۋلانى ەلوردالىق وقۋشىلار وقۋ-اعارتۋ ءمينيسترى جۇلدىز سۇلەيمەنوۆامەن, «سيريۋس» فەدەرالدىق اۋماق كەڭەسىنىڭ توراعاسى, «تالانت ي ۋسپەح» قورىنىڭ جەتەكشىسى ەلەنا شمەليوۆامەن بىرگە سالدى.