2035 جىلعا قاراي قازاقستاندا 14 ماماندىق جويىلىپ كەتۋى مۇمكىن. بۇل تۋرالى ەۋرازيالىق ەكونوميكالىق فورۋم اياسىندا وتكەن ەڭبەك نارىعىنا ارنالعان سەسسيادا ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, قازىرگى تاڭدا بۇل سالالاردا شامامەن 50 مىڭ ادام جۇمىس ىستەيدى. بۇل – ەلدەگى ەڭبەك نارىعىنىڭ 0,5 پايىزدان استامى.
جويىلۋ قاۋپى جوعارى ماماندىقتاردىڭ قاتارىندا:– ءماتىن تەرۋشىلەر,– كوررەكتورلار مەن ستەنوگرافيستەر,– call-ورتالىق وپەراتورلارى,– دەرەكتەر ەنگىزۋ قىزمەتكەرلەرى بار.
الەمدە جاساندى ينتەللەكتىنى قولدانۋ قارقىنى ارتىپ كەلەدى: قازاقستان قاي ورىندا؟
ۆەدومستۆو باسشىسى مۇنداي ماماندىقتاردىڭ بىرتىندەپ تولىق اۆتوماتتاندىرىلاتىنىن ايتتى. ياعني ولاردىڭ جۇمىسىن ارنايى باعدارلامالار مەن جاساندى ينتەللەكت اتقارا باستايدى.
ماماندىق تاڭداۋ: تۇلەكتەر نەنى ەسكەرۋى كەرەك؟
تسيفرلاندىرۋ مەن جاساندى ينتەللەكتىنىڭ دامۋى ەڭبەك نارىعىن تۇبەگەيلى وزگەرتىپ جاتىر. الداعى جىلدارى قاراپايىم قايتالاناتىن جۇمىستار ازايىپ, كەرىسىنشە تەحنولوگيامەن جۇمىس ىستەي الاتىن ماماندارعا سۇرانىس ارتا تۇسپەك.