اقتاۋ ماڭىندا اپاتقا ۇشىراعان AZAL اۋە كومپانياسىنىڭ ۇشاعىندا قازا تاپقان جولاۋشىلاردىڭ تۋىستارىنا وتەماقى تولەنە باستادى. بۇل تۋرالى پرەمەر-ءمينيستردىڭ ورىنباسارى قانات بوزىمباەۆ مالىمدەدى, دەپ حابارلايدى Egemen.kz.
ونىڭ ايتۋىنشا, قازا تاپقانداردىڭ جاقىندارىنىڭ بىرقاتارى وتەماقى الىپ ۇلگەرگەن. كەيبىر وتباسىلاردا وتەماقىنى كىم الاتىنى سوت ارقىلى انىقتالىپ جاتىر.
«قازىر كەيبىر ىستەر سوتتا قارالۋدا. الايدا تولەم جاساۋعا مىندەتتى ازەربايجاندىق جانە رەسەيلىك ساقتاندىرۋ كومپانيالارى وتەماقى تولەۋگە دايىن. جاقىن ۋاقىتتا شەشىم قابىلدانادى دەپ ويلايمىن. بارلىق جولاۋشى ازاماتتىعىنا قاراماستان تولىق وتەماقىسىن الادى», دەدى قانات بوزىمباەۆ.
سونداي-اق ول قازاقستان تاراپى زارداپ شەككەن ازاماتتاردىڭ قۇقىقتارىنىڭ ساقتالۋىن باقىلاۋدا ۇستاپ وتىرعانىن جانە تولەم كەزىندە ەشقانداي كەمسىتۋشىلىككە جول بەرىلمەيتىنىن اتاپ ءوتتى.
ەسكە سالايىق, 2024 جىلعى 25 جەلتوقساندا Azerbaijan Airlines اۋە كومپانياسىنىڭ ۇشاعى اپاتقا ۇشىراپ, 38 ادام قازا تاپتى, ولاردىڭ ىشىندە قازاقستاننىڭ التى ازاماتى بولعان.