قازاقستاندا 2026-2027 وقۋ جىلىنا ارنالعان ءبىرىنشى سىنىپقا قۇجات قابىلداۋ ناۋقانىنىڭ مەرزىمى ايقىندالدى. وقۋ-اعارتۋ مينيسترلىگى قابىلداۋ ۇدەرىسىن كەزەڭ-كەزەڭىمەن ۇيىمداستىرۋ كەستەسىن بەكىتتى. قۇجات قابىلداۋ 2026 جىلعى 27 مامىر مەن 31 تامىز ارالىعىندا جۇرگىزىلەدى, دەپ حابارلايدى Egemen.kz.
مينيسترلىك بۇل ءتاسىل اقپاراتتىق جۇيەلەرگە تۇسەتىن جۇكتەمەنى ازايتىپ, اتا-انالارعا ءوتىنىش بەرۋ ۇدەرىسىن بارىنشا قولايلى ۇيىمداستىرۋعا مۇمكىندىك بەرەتىنىن اتاپ ءوتتى.
قۇجاتتاردى ەلەكتروندىق ۇكىمەت پورتالىندا تىركەلۋ ارقىلى OQU پلاتفورماسى ارقىلى ونلاين تاپسىرۋعا بولادى. سونداي-اق اتا-انالار ءبىلىم بەرۋ ۇيىمدارىنا تىكەلەي بارىپ, قۇجات وتكىزە الادى.
ۇبت-2026 جانە 1 سىنىپقا قابىلداۋ: 1 مامىردان باستاپ قازاقستاندا نە وزگەرەدى؟
وڭىرلەر بويىنشا قابىلداۋ مەرزىمى تومەندەگىدەي بولىنگەن:
27 مامىر – 31 تامىز: استانا قالاسى, اباي, جەتىسۋ, قىزىلوردا جانە باتىس قازاقستان وبلىستارى.
10 ماۋسىم – 31 تامىز: الماتى قالاسى, اقمولا, اقتوبە, جامبىل جانە شىعىس قازاقستان وبلىستارى.
18 ماۋسىم – 31 تامىز: شىمكەنت قالاسى, الماتى, قوستاناي, پاۆلودار جانە اتىراۋ وبلىستارى.
29 ماۋسىم – 31 تامىز: تۇركىستان, ماڭعىستاۋ, قاراعاندى, سولتۇستىك قازاقستان جانە ۇلىتاۋ وبلىستارى.
بۇعان دەيىن 1-سىنىپقا قابىلداۋ بويىنشا قاناتقاقتى جوبا ىسكە قوسىلعانى تۋرالى حابارلاعانبىز.