«AMANAT» فراكتسياسىنىڭ دەپۋتاتى تالعات ادامبەكوۆ قازاقستان پرەمەر-ءمينيسترى ولجاس بەكتەنوۆكە «تازا قازاقستان» باستاماسىن كۇشەيتۋ جانە ينستيتۋتسيالاندىرۋ تۋرالى ۇسىنىسپەن دەپۋتاتتىق ساۋال جولدادى, دەپ حابارلايدى Egemen.kz.
دەپۋتاتتىڭ ايتۋىنشا, مەملەكەت باسشىسىنىڭ باستاماسى قازىردىڭ وزىندە ەلىمىزدەگى ەڭ ءىرى قوعامدىق جوبالاردىڭ بىرىنە اينالدى جانە ول بىررەتتىك ناۋقان ەمەس, جاڭا ەكولوگيالىق مادەنيەت پەن جاۋاپكەرشىلىكتى قالىپتاستىرۋدىڭ ەلەمەنتى رەتىندە قابىلدانۋدا.
«تازا قازاقستاندى» پارتيالاردىڭ باعدارلامالارىنا ەنگىزۋ ۇسىنىلدىتالعات ادامبەكوۆ ءوز ساۋالىندا رەفەرەندۋمدا قابىلدانعان قازاقستان كونستيتۋتسياسىندا تابيعاتقا ۇقىپتى قاراۋدىڭ ماڭىزدىلىعى اتالىپ وتكەنىن جەتكىزدى.
ول ۇكىمەتتىڭ ەكولوگيالىق جاعدايدى جاقسارتۋدى, ينفراقۇرىلىمدى دامىتۋدى جانە ءومىر ءسۇرۋ ساپاسىن ارتتىرۋدى كوزدەيتىن «تازا قازاقستان» ەكولوگيالىق مادەنيەتتى دامىتۋدىڭ 2024-2029 جىلدارعا ارنالعان تۇجىرىمداماسىن بەكىتكەنىن ەسكە سالدى.
وسىعان بايلانىستى دەپۋتات «تازا قازاقستان» پرينتسيپتەرىن بارلىق پارتيالاردىڭ ساياسي باعدارلامالارى مەن جارعىلارىنا ەنگىزۋدى ۇسىندى.
«تازا قازاقستان» ساياسي يدەولوگيا ەمەس, بارلىعىن بىرىكتىرەتىن ورتاق قۇندىلىققا اينالۋى ءتيىس», دەلىنگەن ساۋالدا.
قازاقستاندا تۇراقتى شتاب نەمەسە قوزعالىس قۇرىلۋى مۇمكىنسونىمەن قاتار دەپۋتات باستامانى جۇزەگە اسىرۋ ءۇشىن جالپىۇلتتىق قوزعالىس نەمەسە تۇراقتى جۇمىس ىستەيتىن شتاب قۇرۋدى ۇسىندى. ونىڭ پىكىرىنشە, «تازا قازاقستان» يدەياسى قوعامدى ۇيىستىرۋدا زور الەۋەتكە يە.
بۇدان بولەك, ول باستاما اياسىنداعى جوبالار مەن ءىس-شارالار تۋرالى اقپاراتتى تاراتۋ ءۇشىن ارنايى تسيفرلىق پلاتفورمالار مەن سايتتاردى ىسكە قوسۋ قاجەت دەپ سانايدى.
دەپۋتات نە ۇسىنادى؟ادامبەكوۆ قازىرگى ۋاقىتتا نەگىزگى ەكولوگيالىق اكتسيالار كوبىنە كوكتەم مەن كۇزدە وتكىزىلەتىنىن اتاپ ءوتتى. وسىعان بايلانىستى ول جىلدىڭ باسقا مەزگىلدەرىندە دە اۋقىمدى ەكولوگيالىق جوبالاردى ۇيىمداستىرۋدى ۇسىندى.
ونىڭ پىكىرىنشە, قوقىس تازالاۋ, سونداي-اق تابيعي جانە تاريحي نىسانداردى ءارتۇرلى جازۋلار مەن گراففيتيلەردەن تازارتۋ بويىنشا اكتسيالاردى جۇيەلى تۇردە وتكىزىپ تۇرۋ قاجەت.
سونىمەن قاتار دەپۋتات اۋىل شارۋاشىلىعى قاجەتتىلىكتەرى ءۇشىن جاڭبىر مەن ەرىگەن قار سۋىن جيناۋ, تازارتۋ جانە ساقتاۋ جۇيەلەرىن دامىتۋدى ۇسىندى. سونداي-اق, ەلدى مەكەندەر اراسىنداعى اۆتوجولداردىڭ بويىندا كوپجىلدىق اعاشتاردان «جاسىل دالىزدەر» قۇرۋ كەرەك دەپ ەسەپتەيدى. ادامبەكوۆتىڭ پايىمداۋىنشا, مۇنداي ورمان القاپتارى قىستا قاردىڭ باسۋىن ازايتۋعا جانە تراسسالاردىڭ جابىلۋىن قىسقارتۋعا كومەكتەسەدى.
ەلوردادا ۆەلوماۋسىم اشىلدى: 700-گە جۋىق قاتىسۋشى «تازا قازاقستان» اكتسياسىنا ءۇن قوستى