ءماجىلىستىڭ جالپى وتىرىسىندا «AMANAT» پارتياسى فراكتسياسىنىڭ مۇشەسى ءابۋتالىپ ءمۇتالى قازاقستاننىڭ حالىقارالىق ترانزيتتىك الەۋەتىن ءتيىمدى پايدالانۋ جانە كولىك-لوگيستيكالىق ينفراقۇرىلىمدى دامىتۋ ماسەلەسىن كوتەردى, دەپ حابارلايدى Egemen.kz.
دەپۋتاتتىڭ سوزىنشە, 2025 جىلدىڭ قورىتىندىسى بويىنشا ترانزيت كولەمى 36,9 ملن تونناعا جەتكەن.
قازاقستاننىڭ حالىقارالىق ترانزيت سالاسىندا ايتارلىقتاي ءوسۋ الەۋەتى بار. قازىرگى ۋاقىتتا ءبىز جاھاندىق تاسىمالداۋدان ميللياردتاعان دوللار جوعالتىپ جاتىرمىز. ءبىزدىڭ ەلىمىز حالىقارالىق ترانزيت ءۇشىن جاي عانا ء«دالىز» بولىپ قالدىرۋعا بولمايدى. ءبىزدىڭ ستراتەگيالىق مىندەت – «دالىزگە ءوندىرىس, تسيفرلىق سەرۆيستەر جانە ەكسپورتتى قوسىپ» قوسىمشا قۇندى قالىپتاستىرۋ مودەلىنە كوشۋ بولۋ كەرەك. بۇل ءتاسىل ەلىمىزدىڭ تابىسىن بىرنەشە ەسە ارتتىرۋعا مۇمكىندىك بەرەدى», دەدى ءا.ءمۇتالى.
دەپۋتات «تازا قازاقستان» جالپىۇلتتىق قوزعالىسىن قۇرۋدى ۇسىندى
ونىڭ ايتۋىنشا, قازىرگى ۋاقىتتا جۇزەگە اسىرىلىپ جاتقان Smart Cargo, لوگيستيكالىق پاسپورت, قاعازسىز قۇجات اينالىمى سەكىلدى جوبالاردىڭ ءبىر-بىرىمەن تولىق ينتەگراتسيالانباعان. وسىعان بايلانىستى دەپۋتات يندۋستريالىق-لوگيستيكالىق حابتاردىڭ بىرىڭعاي ەكوجۇيەسىن قالىپتاستىرۋدى ۇسىندى.
«حالىقارالىق تاجىريبە باسەكەگە قابىلەتتىلىك ترانزيتپەن ەمەس, ونىڭ اينالاسىنداعى قوسىلعان قۇندى قالىپتاستىرۋمەن قامتاماسىز ەتىلەتىنىن راستاپ وتىر. مىسالى, دجەبەل-الي پورتى ء(باا), تۋاس پورتى (سينگاپۋر) جانە دۋيسبۋرگ پورتى (گەرمانيا) يندۋستريالىق-لوگيستيكالىق ەكوجۇيە رەتىندە جۇمىس ىستەيدى, مۇندا جۇكتەردى وڭدەۋ, جيناۋ, قاپتاۋ, تاڭبالاۋ, سەرتيفيكاتتاۋ, ولاردىڭ سەرۆيسى مەن كەرى ەكسپورتى جۇزەگە اسىرىلادى», دەدى دەپۋتات.
دەپۋتات بىلاپىت ءسوز قولدانىلاتىن ترەنينگتەرگە باعا بەرۋدى تالاپ ەتتى
بۇدان بولەك ول كولىك-لوگيستيكالىق سالانى ۇيلەستىرەتىن بىرىڭعاي ورتالىق قۇرۋدى ۇسىندى.