قاراعاندى. 18 تامىز. قاراعاندى وبلىسىنداعى ۇلىتاۋ اۋدانىندا بەس كيىكتى جايراتىپ سالعان براكونەر ۇستالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
تابيعاتتى قورعاۋ پوليتسياسى جانە «وحوتزووپروم» مەكەمەسىنىڭ وكىلدەرى بىرىگىپ جۇرگىزگەن رەيد ناتيجەسىندە «ۋرال» موتوتسيكلىنە كيىك ارتىپ الىپ, جاپان دالادا جۇيتكىپ بارا جاتقان براكونەر قولعا ءتۇستى. تەكسەرۋ بارىسىندا جاڭاارقا اۋدانىنىڭ 39 جاسار تۇرعىنىنىڭ بەس كيىكتى اتىپ العانى انىقتالدى.
وسى وقيعا بويىنشا ساراپتاما تاعايىندالىپ, قىلمىستىق كودەكستىڭ 337-بابى, 4-تارماعى بويىنشا («زاڭسىز اڭ اۋلاۋ») سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك, سۋرەت: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.