نەيمەگەن قالاسىنداعى رادباۋد ۋنيۆەرسيتەتىنىڭ مەديتسينالىق ورتالىعىندا حانتاۆيرۋسقا بايلانىستى قاۋىپسىزدىك شاراسى رەتىندە 12 مەديتسينا قىزمەتكەرى كارانتينگە الىندى, دەپ حابارلايدى Egemen.kz.
وقيعا اۋرۋحانادا ناۋقاستىڭ قان جانە ءزار تالداۋلارى ءتيىستى قاۋىپسىزدىك حاتتامالارىن ساقتاماي وڭدەلگەننەن كەيىن بولعان. نيدەرلاند دەنساۋلىق ساقتاۋ مينيسترلىگى مامانداردىڭ جۇقتىرۋ قاۋپى وتە تومەن ەكەنىن جانە اۋرۋحانا جۇمىسى قالىپتى رەجيمدە جالعاسىپ جاتقانىن مالىمدەدى.
حانتاۆيرۋس جۇقتىرعان ناۋقاس 7 مامىردا اۋرۋحاناعا تۇسكەن. ول MV Hondius كرۋيزدىك كەمەسىندەگى ىندەتكە بايلانىستى اۋىرعان جولاۋشى ەكەنى انىقتالدى. بۇعان دەيىن بۇل كەمەدە ءۇش ادام قايتىس بولعان.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, قازىرگى ۋاقىتتا 9 راستالعان جانە بىرنەشە كۇدىكتى جاعداي تىركەلگەن. دۇنيەجۇزىلىك دەنساۋلىق ساقتاۋ ۇيىمى باسشىسى تەدروس ادحانوم گەبرەيەسۋس جاعداي باقىلاۋدا ەكەنىن, بىراق الداعى ۋاقىتتا جاڭا جاعدايلار پايدا بولۋى مۇمكىن ەكەنىن ەسكەرتتى.
يسپانيا, فرانتسيا جانە اقش-تا دا كرۋيز جولاۋشىلارى اراسىندا حانتاۆيرۋسقا قاتىستى جاعدايلار تىركەلىپ, كەيبىرى وقشاۋلانعان ەم قابىلداپ جاتىر.
ماماندار ازىرگە ىندەتتىڭ كەڭ تارالۋ بەحانتاۆيرۋس تىركەلگەن لاينەر جولاۋشىلارى اقش-قا ورالدىلگىلەرى جوق ەكەنىن, بىراق جاعدايدىڭ قاتاڭ باقىلاۋدا ەكەنىن ايتادى.
ەسكە سالايىق, جۋىردا فرانتسيادا حانتاۆيرۋس جۇقتىرعان العاشقى ادام انىقتالعان بولاتىن. حانتاۆيرۋس تىركەلگەن 17 لاينەر جولاۋشىسى اقش-قا ورالدى. جاعدايعا بايلانىستى ددسۇ باسشىسى ۇندەۋ جاساپ حانتاۆيرۋس قاۋپىنىڭ قانشالىقتى جوعارى ەكەنىن مالىمدەگەن ەدى.