پوليتسيانىڭ مالىمەتىنشە, الەۋمەتتىك جەلىلەردى باقىلاۋ كەزىندە تابيعي اۋماقتاعى تاستارعا جازۋ جازىلعانى انىقتالعان. جاس جىگىت جارتاس بەتىنە ءوزىنىڭ ەسىمى مەن كولىگىنىڭ مەملەكەتتىك ءنومىرىن قالدىرعان.
وسى دەرەك بويىنشا ۆانداليزم فاكتىسى تىركەلىپ, ءىس قوزعالدى. سوت شەشىمىمەن وعان 25 تاۋلىككە قاماۋ جازاسى تاعايىندالدى. قازىرگى ۋاقىتتا ول ۋاقىتشا ۇستاۋ يزولياتورىندا وتىر.
وقيعا ىبىكتى ساي اۋماعىندا بولعانى انىقتالدى. كەيىننەن كۇدىكتى انىقتالىپ, ءىس ماتەريالدارى سوتقا جولدانعان. سونداي-اق ول جازعان جازۋلاردى ءوشىرىپ, اۋماقتى باستاپقى قالپىنا كەلتىرگەن.
ءىىم تابيعي, تاريحي جانە مادەني ەسكەرتكىشتەرگە جازۋ جازۋ زاڭعا قايشى ەكەنىن ەسكەرتىپ, مۇنداي ارەكەتتەر اكىمشىلىك نەمەسە قىلمىستىق جاۋاپكەرشىلىككە اكەلەتىنىن مالىمدەدى.
ەسكە سالايىق, وسىدان ەكى جىل بۇرىن ءدال وسى ىبىقتى-سايعا قىزىنىڭ اتىن ويىپ جازعان شەنەۋنىك قىزمەتىنەن كەتكەن بولاتىن.