ءماجىلىس دەپۋتاتى داۋلەت مۇقاەۆ جۇبايىن تۋعان كۇنىمەن قۇتتىقتايمىن دەپ سىننىڭ استىندا قالدى. وقىرماننىڭ اشۋىن تۋعىزعان – قۇتتىقتاۋدىڭ مازمۇنى ەمەس, ونىڭ پارلامەنتتىڭ رەسمي ستيلىندە راسىمدەلۋىندە, دەپ جازادى Egemen.kz.
دەپۋتاتتىڭ ايتۋىنشا, پارلامەنتتە رەسمي قۇتتىقتاۋلار مەن ءىس-شارالارعا ارنالعان ارنايى پاپكالار بولادى. داۋلەت مۇقاەۆ بۇل مۇمكىندىكتى جەكە قۇتتىقتاۋ ءۇشىن پايدالانعانىن ايتتى.
«ايەلىم لاۋرا وزىنە وسىنداي نارسە جاساۋىمدى سۇرادى. وزدەرىڭىز بىلەسىزدەر, بيىل شىلدەدە پارلامەنت تارايدى. قولىمدا تۇرعان نارسە عوي دەپ, بەس مىڭ تەڭگەسىن تولەپ, تىلەگىمدى ارنادىم», دەدى ول.
ارزان باعا نازاروۆتا عانا... حالىق ازىق-ت ۇلىككە قانشا قاراجات جۇمسايدى؟
الايدا بۇل ارەكەت الەۋمەتتىك جەلى قولدانۋشىلارى اراسىندا قىزۋ پىكىرتالاس تۋدىردى. جەلىدە دەپۋتاتتىڭ مەملەكەتتىك مەكەمە اتريبۋتتارىن جەكە ماقساتتا قولدانۋى سىنعا قالىپ وتىر.
«كارتوپ قىمباتتاعاندا دەپۋتات باسىمەن ماسەلەنى كوتەرۋدىڭ ورنىنا ايەلىنە كارتوپتان بۋكەت سىيلاعاندا «اقىلىنىڭ جەتكەنى سول شىعار» دەپ ك ۇلىپ قويا سالعانبىز. ەندى مىنە, زاڭ شىعارۋشى ورگاننىڭ اتاۋىن ايەلىن قۇتتىقتاۋعا پايدالانىپ, ونىسىن «گەشتالت جاپتىق» دەپ تۇر. ءار دەپۋتات 5 مىڭ تەڭگەگە ساتىپ الىپ, ايەلىن, تۋعان-تۋىسىن, قۇدا-جەكجاتىن پارلامەنتتىڭ اتىنان قۇتتىقتاي بەرسە, جەتىسكەن ەكەنبىز. كەتۋىنە ءبىر جارىم اي قالعاندا قويشى دەپ ەم, بىراق مىنا كونتسەرتىنە شىدامادىم. سىنىپتاسىما ك ۇلىپ ەك, مىناۋىڭ ودان قالىسىپ تۇرعان جوق», دەپ جازدى تانىمال جۋرناليست گۇلبانۋ انياتقىزى.
ارداق نازاروۆ اجىراساتىن وتباسىلارعا سالىق سالۋدى ۇسىندى
نۇربولات امانبەك