قازاقستاننىڭ ءبىرىنشى, الەمنىڭ ەكىنشى راكەتكاسى ەلەنا رىباكينا ريمدە ءوتىپ جاتقان بەدەلدى WTA 1000 تۋرنيرىندە قارسىلاس شاق كەلتىرمەي جاتىر. ول 1/8 فينالدا چەحيالىق كارولينا پليشكوۆانى ەش قيىندىقسىز جەڭدى, دەپ حابارلايدى Egemen.kz.
ءتورتىنشى اينالىمدا وتانداسىمىز الەمنىڭ ەكىنشى راكەتكاسى چەحيالىق كارولينا پليشكوۆامەن كەزدەسىپ, ەكى اينالىمدا دا قارسىلاسىن ايقىن باسىمدىقپەن جەڭدى. العاشقى سەتتە قازاقستاندىق تەننيسشى قارسىلاسىنا مۇكىندىك بەرمەي 6:0 ەسەبىن تىركەدى. ەكىنشى سەت 6:2 ەسەبىمەن اياقتالدى.
ەلەنا رىباكينا WTA 1000 تۋرنيرىندەگى العاشقى ماتچتى ءساتتى باستادى
ەندى شيرەك فينالدا رىباكينا ۋكراينالىق ەلينا سۆيتولينامەن كەزدەسەدى. WTA رەيتينگىندە سۆيتولينا 10-ورىندا تۇر. ماتچ 13 مامىر كۇنى استانا ۋاقىتىمەن ساعات 16:00-دە وتەدى.
ەكى تەننيسشىنىڭ بۇعان دەيىنگى ءوزارا كەزدەسۋلەرىندەگى جالپى ەسەپ رىباكينانىڭ پايداسىنا – 4:3 بولىپ اياقتالعان.
رىباكينا WTA 1000 تۋرنيرىندە پليشكوۆامەن كەزدەسەدى
ايتا كەتەيىك, ەلەنا رىباكينا 2023 جىلى وسى ريم ءتۋرنيرىنىڭ چەمپيونى اتانعان بولاتىن. بيىل اتالعان ءتۋرنيردىڭ جالپى جۇلدە قورى – 7 228 080 ەۋرونى قۇرايدى. جەكەلەي سىنداعى جەڭىمپاز 1 055 285 ەۋرو كولەمىندە سىياقى الىپ, رەيتينگىلىك 1000 ۇپايعا يە بولادى.
نۇربولات امانبەك