قازاقستاندا ەڭ تومەنگى جالاقىنى ارتتىرۋ ماسەلەسى قاراستىرىلىپ جاتىر. بۇل تۋرالى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ۇكىمەتتە وتكەن بريفينگ بارىسىندا مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, شەشىم بيۋدجەت مۇمكىندىگى مەن نەگىزگى ەكونوميكالىق كورسەتكىشتەرگە بايلانىستى قابىلدانادى.
«ەڭ تومەنگى جالاقى ەكى نەگىزگى كورسەتكىشكە بايلانىستى ەسەپتەلەدى. ونىڭ ءبىرى – ەڭبەك ونىمدىلىگى, ەكىنشىسى – مەديانالىق جالاقى. سونىمەن قاتار بەلگىسىزدىك كوەففيتسيەنتى ەنگىزىلگەن, ول ەڭ تومەنگى جالاقى دەڭگەيىن رەتتەۋگە مۇمكىندىك بەرەدى», دەدى ۆيتسە-پرەمەر.
قازاقستاندا ەڭ تومەنگى جالاقىنى كىمدەر الادى؟
سونداي-اق ول بۇل ماسەلەدەگى تۇپكىلىكتى شەشىم مەملەكەتتىك بيۋدجەتتىڭ مۇمكىندىگىنە قاراي قابىلداناتىنىن اتاپ ءوتتى.
«ەڭ تومەنگى جالاقىنى قانداي دەڭگەيگە دەيىن كوتەرەمىز – ءبارى بيۋدجەت مۇمكىندىگىنە بايلانىستى بولادى», دەدى سەرىك جۇمانعارين.
ايتا كەتەيىك, بۇعان دەيىن ۇكىمەتتە ەڭ تومەنگى جالاقىنى 150 مىڭ تەڭگەگە كوتەرۋ قاجەتتىلىگى ايتىلعان بولاتىن.
نۇربولات امانبەك