ءماجىلىس «سايلاۋ تۋرالى» كونستيتۋتسيالىق زاڭعا ەنگىزىلەتىن ماڭىزدى تۇزەتۋلەر جوباسىن ماقۇلدادى. جاڭا قۇجات سايلاۋ كوميسسيالارىنىڭ جۇمىسىن اشىق ەتىپ, ونىڭ مۇشەلەرىنە قويىلاتىن تالاپتاردى ايتارلىقتاي كۇشەيتەدى, دەپ حابارلايدى Egemen.kz.
زاڭ جوباسىن تانىستىرعان ۆيتسە-پرەمەر سەرىك جۇمانعاريننىڭ ايتۋىنشا, ەندى سايلاۋ پروتسەسىنىڭ ادىلدىگىن قامتاماسىز ەتۋ ءۇشىن بىرقاتار شەكتەۋلەر مەن جاڭا ەرەجەلەر ەنگىزىلمەك.
ۆيتسە-پرەزيدەنت پەن حالىق كەڭەسىنىڭ جۇمىسى قالاي قارجىلاندىرىلماق؟ مينيستر جاۋاپ بەردى
ەندى سىبايلاس جەمقورلىق قىلمىسى, سونداي-اق اۋىر نەمەسە اسا اۋىر قىلمىس جاساعانى ءۇشىن سوتتىلىعى بار ازاماتتاردىڭ سايلاۋ كوميسسياسىنىڭ قۇرامىنا كىرۋىنە تىيىم سالىنادى. سونىمەن قاتار جەكە جاۋاپكەرشىلىك تەتىگى ەنگىزىلەدى: ەگەر كوميسسيا مۇشەسى زاڭدى العاش رەت بۇزسا – ەسكەرتۋ الادى, ال التى اي ىشىندە قايتالاسا – وكىلەتتىگى دەرەۋ توقتاتىلادى.
قازاقستان ۇكىمەتى وتستاۆكاعا كەتەدى
سايلاۋ پروتسەسىندەگى شەكتەۋلەرگە دە بىرقاتار وزگەرىس ەڭگىزىلدى. جاڭا ەرەجەگە سايكەس ءبىر ادام ءبىر مەزگىلدە ءماسليحات دەپۋتاتى مەن اكىم لاۋازىمىنا ۇمىتكەر بولا المايدى. سونداي-اق بىرنەشە وكرۋگتە بىردەي اكىمدىككە تۇسۋگە شەكتەۋ قويىلدى. ەگەر كانديداتتاردىڭ داۋىسى تەڭ تۇسسە, اۋماقتىق كوميسسيا ءبىر اي ىشىندە قايتا داۋىس بەرۋدى ۇيىمداستىرۋعا مىندەتتى.
اسىلجان قۇرمانعالي