پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين وپەك-تەگى وزگەرىستەر مەن مۇناي نارىعىنداعى جاعدايدىڭ قازاقستان ەكونوميكاسىنا اسەرى تۋرالى پىكىر ءبىلدىردى, دەپ حابارلايدى Egemen.kz.
ءمينيستردىڭ ايتۋىنشا, ءباا-ءنىڭ وپەك-تەن شىعۋ تۋرالى شەشىمى ەكونوميكالىق سەبەپتەرمەن بايلانىستى جانە مۇناي ءوندىرۋ كولەمىن ارتتىرۋ جوسپارىنا نەگىزدەلگەن.
سەرىك جۇمانعارين «وپەك ءداۋىرىنىڭ اياقتالۋى» تۋرالى پىكىرلەرگە ساقتىقپەن قاراۋ كەرەكتىگىن اتاپ ءوتتى. ونىڭ سوزىنشە, الەمدىك مۇناي نارىعىنداعى جاعداي تۇراقسىز جانە كوپتەگەن فاكتورلارعا تاۋەلدى.
ء«تىپتى ءباا ءوندىرىستى ۇلعايتقان كۇننىڭ وزىندە, نارىقتا مۇنايدىڭ بالاما كوزدەرى ساقتالادى», دەدى ول.
تاۋلىگىنە 206 مىڭ باررەل: وپەك+ ەلدەرى مۇناي ءوندىرىسىن ارتتىرۋعا كەلىستى
جۇمانعاريننىڭ مالىمەتىنشە, 2027-2029 جىلدارعا ارنالعان بيۋدجەتتىك جوسپارلاۋ اياسىندا مۇناي باعاسىنا قاتىستى بىرنەشە ماكروەكونوميكالىق بولجام ازىرلەنگەن.
«الاڭداۋعا نەگىز جوق. جالپى, جاقىن ۋاقىتتا قازاقستاندى ۇلكەن داعدارىستار كۇتىپ تۇر دەپ ويلامايمىز», دەدى مينيستر.
وپەك+ مۇناي ءوندىرۋ كولەمىن ارتتىرماق
سونداي-اق مينيستر حالىقارالىق تاجىريبەدە مۇناي باعاسىنا قاتىستى بازالىق, وپتيميستىك جانە پەسسيميستىك ستسەناريلەر قولدانىلاتىنىن ايتتى. بۇل ءتاسىل ەكونوميكاعا ءتونۋى مۇمكىن تاۋەكەلدەردى الدىن الا ەسكەرۋگە مۇمكىندىك بەرەدى.
ەسكە سالا كەتەيىك, بۇعان دەيىن بىرىككەن اراب امىرلىكتەرىنىڭ وپەك ۇيىمدارىنان شىعاتىنىن جازعان بولاتىنبىز.
نۇربولات امانبەك