الماتىدا اڭسىز اينالىمنان پنەۆماتيكالىق قارۋدىڭ پارتياسى انىقتالىپ, سۋىق قارۋعا جاتاتىن زاتتار تاركىلەندى. اتالعان دەرەك بويىنشا قىلمىستىق ءىس قوزعالىپ, قازىرگى ۋاقىتتا قاجەتتى تەرگەۋ امالدارى جۇرگىزىلىپ جاتىر, دەپ حابارلايدى Egemen.kz.
پوليتسيا مالىمەتىنشە, قىزمەتكەرلەر كۇن سايىن مەكەنجايلىق تەكسەرۋلەر وتكىزىپ, جەدەل-پروفيلاكتيكالىق ءىس-شارالار جۇرگىزىپ جاتىر.
شەتەل ازاماتتارىنىڭ قازاقستانعا قارۋ-جاراق الىپ كەلۋى, ساقتاۋى قانشالىقتى زاڭدى؟
جۇرگىزىلگەن ماقساتتى جۇمىستار باستالعالى بەرى اۋداندىق پوليتسيا بولىمشەلەرى زاڭسىز اينالىمنان 619 بىرلىك تىيىم سالىنعان زاتتى تاركىلەگەن. انىقتالعان فاكتىلەر بويىنشا سوتقا دەيىنگى تەرگەپ-تەكسەرۋ امالدارى باستالدى.
«قارۋ-جاراقتىڭ زاڭسىز اينالىمى, سونىڭ ىشىندە ونى الەۋمەتتىك جەلىلەر ارقىلى ساتۋ قوعامدىق قاۋىپسىزدىككە تىكەلەي قاۋىپ توندىرەدى. ءاربىر مۇنداي قۇقىقبۇزۋشىلىق – نەعۇرلىم اۋىر قىلمىستاردىڭ جاسالۋ قاۋپىن ارتتىرادى. پوليتسيا ينتەرنەت كەڭىستىگىن تۇراقتى تۇردە باقىلاپ, جەدەل ارەكەت ەتەدى. بۇل باعىتتاعى جۇمىس جالعاسادى جانە كۇشەيتىلەدى», دەدى الماتى قالاسى پد قوعامدىق قاۋىپسىزدىك باسقارماسىنىڭ باستىعى تيمۋر نوعايباەۆ.
الماتىدا قاڭتار وقيعاسى كەزىندە ۇرلانعان قارۋ تابىلدى
پوليتسيا ينتەرنەت كەڭىستىگىنە تۇراقتى مونيتورينگ جۇرگىزۋ ارقىلى بۇدان وزگە دە زاڭسىز ساۋدا ارنالارى انىقتالىپ جاتقاندىعىن جەتكىزدى.
نۇربولات امانبەك