شىمكەنت قالاسىندا ءوز بالالارىن ازاپتادى دەپ ايىپتالعان ايەلگە قاتىستى قىلمىستىق ءىس بويىنشا سوت پروتسەسى باستالدى, دەپ حابارلايدى Egemen.kz.
سوت وتىرىسىندا جابىرلەنۋشىلەر, ياعني ايىپتالۋشىنىڭ كامەلەتكە تولماعان بالالارىنان جاۋاپ الىندى. ءىس بارىسىندا ولاردىڭ كورسەتكەن ايعاقتارى نەگىزىندە وقيعانىڭ ءمان-جايى انىقتالدى. بالالاردىڭ ايتۋىنشا, اناسى ولارعا جۇيەلى تۇردە كۇش قولدانعان, ۇرىپ-سوعىپ, قىزدىرىلعان شانىشقىمەن, ۇتىكپەن كۇيدىرگەن.
شىمكەنتتە سوتتالعانداردى ازاپتاعان تۇزەۋ مەكەمەسىنىڭ ءۇش قىزمەتكەرى قاماۋعا الىندى
سوتتا ايىپتالۋشىنىڭ بۇرىن بەرگەن جاۋابى وقىلىپ, ايەل وزىنە تاعىلعان ايىپتاردى راستاپ, جاساعان ارەكەتتەرىنە وكىنەتىنىن ءبىلدىردى.
سوت بارىسىندا بۇرىنعى قايىن ەنەسى كەلىنىن كەشىرەتىنىن ايتقان.
قاراعاندىلىق وتباسى وزدەرى اسىراپ العان بالالاردى ازاپتاپ كەلگەن
ەسكە سالايىق, بۇعان دەيىن 2026 جىلدىڭ قاڭتار ايىندا شىمكەنتتە اناسىنىڭ بالالارىن جۇيەلى تۇردە قورلاعانى تۋرالى اقپارات تاراعان بولاتىن. وسى دەرەك بويىنشا قالالىق پوليتسيا دەپارتامەنتى قىلمىستىق ءىس قوزعادى. ماتەريالدار كامەلەتكە تولماعانداردىڭ ىستەرى جونىندەگى كوميسسياعا جولدانىپ, ايەلدى اتا-انا قۇقىعىنان ايىرۋ ماسەلەسى قارالعان.
قىزىلوردادا جاڭا تۋعان ءسابيىن ساتپاق بولعان 25 جاستاعى ايەل ۇستالدى
زارداپ شەككەن بالالار مەديتسينالىق مەكەمەگە جەتكىزىلىپ, ەكى كىشى بالا ۋاقىتشا بالالار ۇيىنە ورنالاستىرىلدى. كەيىنىرەك سوت شەشىمىمەن ايەلدىڭ اتا-انا قۇقىقتارى شەكتەلگەنى حابارلاندى.
نۇربولات امانبەك