پارلامەنتتە قۇرىلتاي كوميتەتتەرىنىڭ قۇرامىنداعى دەپۋتاتتار سانىن شەكتەۋ ماسەلەسى كوتەرىلدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا سەنات دەپۋتاتى ولگا بۋلاۆكينا ايتتى, دەپ حابارلايدى Egemen.kz
سەناتوردىڭ سوزىنشە, مۇنداي شەكتەۋ كوميتەت جۇمىسىنىڭ يكەمدىلىگىن كۇشەيتىپ, شەشىم قابىلداۋ جىلدامدىعىن ارتتىرۋعا ىقپال ەتۋى مۇمكىن.
«قۇرىلتايدا 145 دەپۋتات جانە 8 كوميتەت بولادى دەپ ەسەپتەسەك, اريفمەتيكالىق تۇرعىدا ءار كوميتەتكە شامامەن 18-19 دەپۋتاتتان كەلۋى مۇمكىن. الايدا تاجىريبە كورسەتكەندەي, كوميتەتتەردىڭ جۇكتەمەسى بىردەي ەمەس: كەيبىر كوميتەتتەر (اسىرەسە الەۋمەتتىك-ەكونوميكالىق باعىتتاعى) كوبىرەك زاڭ جوبالارىن قارايدى, ال كەيبىرەۋلەرىنىڭ جۇكتەمەسى تومەن بولادى», دەدى دەپۋتات.
5 جىل مەرزىمگە 145 دەپۋتات – ءماجىلىس قۇرىلتاي تۋرالى كونستيتۋتسيالىق زاڭدى ماقۇلدادى
ونىڭ ايتۋىنشا, كوميتەتتەر قۇرامىن قىسقارتۋ جۇمىس ساپاسىن جاقسارتىپ, ءار زاڭ جوباسىنا تەرەڭىرەك ساراپتاما جاساۋعا مۇمكىندىك بەرەدى.
«سوندىقتان كوميتەتتەردەگى ناقتى ءليميتتى قاتاڭ بەكىتپەي, ونى قۇرىلتايدىڭ وزىنە قالدىرۋ ورىندى. بۇل دەپۋتاتتارعا كادرلىق رەسۋرستار مەن وزەكتى مىندەتتەرگە قاراي قۇرامدى يكەمدى تۇردە قالىپتاستىرۋعا مۇمكىندىك بەرەدى», دەدى ولگا بۋلاۆكينا.
ۇكىمەتتىڭ قىزمەتىن باقىلاۋ جانە سوتتاردىڭ تاۋەلسىزدىگى: قۇرىلتايعا قانداي وكىلەتتىلىك بەرىلەدى؟
نۇربولات امانبەك