پرەزيدەنت قاسىم-جومارت توقاەۆ ەۋرازيالىق ەكونوميكالىق كوميسسيا القاسىنىڭ توراعاسى باقىتجان ساعىنتاەۆتى قابىلدادى, دەپ حابارلايدى Egemen.kz.
مەملەكەت باسشىسىنا ەەك قىزمەتىنىڭ باستى باعىتتارى جانە قازاقستاننىڭ 2026 جىلى ەۋرازيالىق ەكونوميكالىق وداق ورگاندارىنا توراعالىعى بارىسىندا ىسكە اسىرىلاتىن جوبالار جايىندا باياندالدى.
توقاەۆ: مەملەكەتتىك دەرەكتەردىڭ بىرىڭعاي جۇيەسى بولماسا, جاساندى ينتەللەكتىدەن پايدا جوق
سونداي-اق پرەزيدەنتكە ەاەو اياسىندا جاساندى ينتەللەكتىنى جاۋاپكەرشىلىكپەن دامىتۋ جونىندەگى بىرلەسكەن مالىمدەمەنى ازىرلەۋ جۇمىستارىنىڭ اياقتالعانى تۋرالى ايتىلدى.
قۇجات ەكونوميكا سالاسىنداعى جاساندى ينتەللەكت تەحنولوگيالارىن دامىتۋ بويىنشا ينتەگراتسيالىق بىرلەستىك ەلدەرى ىنتىماقتاستىعىنىڭ نەگىزگى باعىتتارىن ايقىندايدى.
توقاەۆ Dubai World Trade Center اتقارۋشى ۆيتسە-پرەزيدەنتىمەن كەزدەستى
بۇدان بولەك, قاسىم-جومارت توقاەۆقا 28-29 مامىر كۇندەرى استانادا وتەتىن جوعارى ەۋرازيالىق ەكونوميكالىق كەڭەستىڭ كەزەكتى وتىرىسىنا جانە V ەۋرازيالىق ەكونوميكالىق فورۋمعا دايىندىق بارىسى تۋرالى اقپارات بەرىلدى.