سامۇرىق-ەنەرگو 2026 جىلى ەنەرگەتيكالىق نىسانداردا كەڭ كولەمدى جوندەۋ جۇمىستارىن جۇرگىزىپ, 111 بىرلىك نەگىزگى جابدىق پەن 19,5 شاقىرىم جىلۋ ماگيسترالىن جاڭارتۋدى جوسپارلاپ وتىر, دەپ حابارلايدى Egemen.kz.
كومپانيا باسقارما توراعاسى قايرات ماقسۇتوۆ ۇكىمەت وتىرىسىندا الداعى جوندەۋ ناۋقانى مەن ينۆەستيتسيالىق جوبالار تۋرالى باياندادى.
جوسپارعا سايكەس, 19 جابدىق كۇردەلى جوندەۋدەن, 5-ەۋى كەڭەيتىلگەن جوندەۋدەن, ال 87-ءسى اعىمداعى جوندەۋدەن وتەدى. قازىر جۇمىستاردىڭ 26%-ى اياقتالىپ, 14%-ى جۇرگىزىلىپ جاتىر, قالعان بولىگى كەستەگە ساي اتقارىلادى.
قازاقستاندا 5 جىلۋ ەلەكتر ورتالىعى «قىزىل» ايماقتان شىقتى
نەگىزگى جوبالار قاتارىندا ەكىباستۇز گرەس-1 نىسانىندا وتىن بەرۋ جۇيەسىن جاڭارتۋ جانە جاڭا ءتۇتىن مۇرجاسىن سالۋ, سونداي-اق ەكىباستۇز گرەس-2 ستانساسىندا كۇل شىعارۋ جۇيەسىن تولىق اۋىستىرۋ بار.
«سامۇرىق-ەنەرگو» ستانسالارى ەلىمىزدەگى ەلەكتر ەنەرگياسىنىڭ ۇشتەن ءبىرىن وندىرەدى. قازىرگى تاڭدا «سامۇرىق-ەنەرگو» كومپانياسى تۇراقتى پايدالانۋ دايىندىعىن قامتاماسىز ەتە وتىرىپ, اعىمداعى جانە كۇردەلى جوندەۋدى تولىق كولەمدە جۇرگىزۋ ءۇشىن قاجەتتى قارجىلاندىرۋدى قامتاماسىز ەتىپ جاتىر», دەدى باسقارما توراعاسى.سونىمەن قاتار الماتى قالاسىندا جەو-2 مەن باتىس جىلۋ كەشەنىن بايلانىستىراتىن 19,5 شاقىرىمدىق جىلۋ ماگيسترالىن قايتا جاڭعىرتۋ جوسپارلانعان.
نۇربولات امانبەك