بۇگىن باس پروكۋراتۋرا مەن «قازاقستاندىق شەتەلدىك ينۆەستورلار كەڭەسى» قاۋىمداستىعى (قشيكق) اراسىندا ىنتىماقتاستىق تۋرالى مەموراندۋمعا قول قويۋدىڭ سالتاناتتى ءراسىمى ءوتتى, دەپ جازادى Egemen.kz.
قۇجاتقا باس پروكۋرور بەرىك اسىلوۆ پەن قشيكق باسقارما توراعاسى ەرلان دوسىمبەكوۆ قول قويدى. ءىس-شاراعا باس پروكۋراتۋرانىڭ, سىرتقى ىستەر مينيسترلىگىنىڭ, «KAZAKH INVEST» ۇك» اق-نىڭ باسشىلىعى, سونداي-اق قشيكق باسقارماسى مەن اتقارۋشى كوميتەتىنىڭ مۇشەلەرى قاتىستى. بەرىك اسىلوۆ ءوز سوزىندە ينۆەستيتسيا تارتۋ ۇلتتىق ماڭىزى بار ماسەلە ەكەنىن اتاپ ءوتىپ, پروكۋراتۋرا ورگاندارى «زاڭ مەن ءتارتىپ» قاعيداتى نەگىزىندە قۇقىق بۇزۋشىلىقتارعا ارەكەت ەتۋدەن بيزنەستەگى پروبلەمالاردىڭ جۇيەلى الدىن الۋعا كوشۋدى قامتاماسىز ەتىپ وتىرعانىن ايتتى.
SMS-بلاستەر مەن ديپفەيك: باس پروكۋراتۋرا 18 جاڭا كيبەرقاۋىپتى انىقتادى
سوڭعى ءۇش جىلدا كاسىپكەرلەرگە قاتىستى تىركەلگەن قىلمىستىق ىستەر سانى 4 ەسەگە, 71,5%-عا قىسقارعان.
قازىر پروكۋراتۋرا ورگاندارى جالپى سوماسى 100 ترلن تەڭگەنى قۇرايتىن شامامەن 3 مىڭ ينۆەستيتسيالىق جوبانى سۇيەمەلدەپ جاتىر. قابىلدانعان شارالاردىڭ ناتيجەسىندە 250-دەن استام جوبا ىسكە قوسىلىپ, 30 مىڭ جۇمىس ورنى قۇرىلعان.
«مەموراندۋمعا قول قويۋ حالىقارالىق بيزنەس-قوعامداستىقپەن ىنتىماقتاستىعىمىزدى ساپالى جاڭا دەڭگەيگە شىعارادى. پروكۋراتۋرا مەن قاۋىمداستىق اراسىندا تۇراقتى تىكەلەي بايلانىس ارناسى قامتاماسىز ەتىلىپ, اكىمشىلىك كەدەرگىلەردى جەدەل جويۋعا مۇمكىندىك بەرەدى», دەدى باس پروكۋرور.
قشيكق باسقارما توراعاسى ەرلان دوسىمبەكوۆ اشىق ديالوگقا دايىندىق ءۇشىن العىس ءبىلدىرىپ, جاڭا ينستيتۋتسيونالدىق قورعاۋ تەتىكتەرىنىڭ ماڭىزدىلىعىن اتاپ ءوتتى.
باس پروكۋراتۋرا ازاماتتاردى جالعان اقپارات تاراتۋدان باس تارتۋعا شاقىردى
ء«بىز باس پروكۋرورعا ينۆەستيتسيالىق ومبۋدسمەن فۋنكتسيالارىنىڭ بەرىلۋىن جانە پروفيلدىك كوميتەتتىڭ قۇرىلۋىن جوعارى باعالايمىز. بۇل – قۇقىقتاردى قورعاۋ كەپىلدىكتەرىن نىعايتۋعا جانە حالىقارالىق بيزنەستىڭ سەنىمىن ارتتىرۋعا باعىتتالعان دەر كەزىندە قابىلدانعان جۇيەلى قادام», دەدى ەرلان دوسىمبەكوۆ.
تاراپتار مەموراندۋم الەمدىك قوعامداستىققا قازاقستاننىڭ سەنىمدى يۋريسديكتسيانى قامتاماسىز ەتەتىنى, وزىق حالىقارالىق تاجىريبەلەردى ەنگىزەتىنى جانە ينۆەستورلار ءۇشىن تۇراقتىلىقتى كەپىلدەندىرەتىنى تۋرالى ايقىن بەلگى بولاتىنىنا سەنىم ءبىلدىردى.
سالتاناتتى ءراسىم باس پروكۋراتۋرانىڭ ينۆەستورلاردىڭ قۇقىقتارىن قورعاۋ جونىندەگى كوميتەتىنىڭ, ءسىم ينۆەستيتسيالار كوميتەتىنىڭ جانە «KAZAKH INVEST» قىزمەتىنىڭ تانىستىرىلىمدارىمەن, سونداي-اق قاتىسۋشىلار اراسىندا پىكىر الماسۋمەن اياقتالدى.