سولتۇستىك قازاقستان وبلىسىندا ىندەت وشاعى انىقتالعان اۋىلدا شەكتەۋ شارالارى ەنگىزىلدى. قاۋىپتى اۋرۋ مال مەن ادام دەنساۋلىعىنا قاتەر ءتوندىرىپ وتىر, دەپ جازادى Egemen.kz.
7 ارنانىڭ مالىمەتىنشە, قۇتىرۋ اۋرۋىنىڭ دەرەگى ەسىل اۋدانىنا قاراستى امانگەلدى اۋىلىندا تىركەلگەن. مۇندا جەرگىلىكتى تۇرعىن ءيتىنىڭ مىنەز-قۇلقى كۇرت وزگەرىپ, اگرەسسيۆتى بولا باستاعانىن بايقاپ, ۆەتەرينار ماماندارعا جۇگىنگەن. وقيعا ورنىنا بارعان ماماندار قاجەتتى سىنامالار الىپ, زەرتحانالىق تەكسەرىس جۇرگىزىپ, قۇتىرۋ اۋرۋىن راستاعان.
بقو-دا 4 ادامعا قۇتىرعان قاسقىر شاپتى
ازىرگە ينفەكتسيانىڭ ناقتى قايدان جۇققانى بەلگىسىز. مامانداردىڭ بولجامىنشا, اۋرۋ جابايى جانۋارلار ارقىلى تارالۋى مۇمكىن.
وسىعان بايلانىستى ەلدى مەكەندە كارانتيندىك شەكتەۋلەر ەنگىزىلىپ, جانۋارلاردى ساتۋعا جانە سىرتقا شىعارۋعا ۋاقىتشا تىيىم سالىندى. ىندەتتىڭ تارالۋىنا جول بەرمەۋ ءۇشىن كەشەندى شارالار قولعا الىنعان.
ۆەتەريناريا باسقارماسىنىڭ وكىلدەرى ءمالىم ەتكەندەي, دەزينفەكتسيا جانە جانۋارلاردى قۇتىرۋعا قارسى ەگۋ جۇمىستارى جۇرگىزىلىپ جاتىر. قازىردىڭ وزىندە 45 جانۋارعا ۆاكتسينا سالىنعان: ونىڭ ىشىندە 36 ءىرى قارا, 1 يت جانە 8 مىسىق بار.
وڭىردە جاعداي الاڭداتارلىق كۇيدە قالىپ وتىر. جىل باسىنان بەرى يت قابۋىنان 200-دەن استام ادام زارداپ شەككەن.
تۇلكىدەن تاراعان اۋرۋ: زايساندا ءىرى قارا مال اراسىندا قۇتىرۋ اۋرۋى تىركەلدى