كەشە ءباا-ءنىڭ اۋە شابۋىلىنا قارسى قورعانىس كۇشتەرى يران اۋماعىنان ۇشىرىلعان 12 بالليستيكالىق زىمىراندى, 3 قاناتتى زىمىراندى جانە 4 ۇشقىشسىز اپپاراتتى جويعان. سونىڭ سالدارىنان ءۇش ادام ورتاشا اۋىرلىقتاعى جاراقات العان, دەپ جازادى Egemen.kz.
بىرىككەن اراب امىرلىكتەرىنىڭ قورعانىس مينيسترلىگى زىمىراندار مەن ۇشقىشسىز ۇشۋ اپپاراتتارىنىڭ شابۋىلدارى اياسىندا كەز كەلگەن قاۋىپ-قاتەرگە تويتارىس بەرۋگە تولىق اسكەري دايىن ەكەنىن مالىمدەدى. وسى مازمۇنداعى حابارلاما ۆەدومستۆونىڭ ح الەۋمەتتىك جەلىسىندەگى رەسمي پاراقشاسىندا جاريالانعان.
يران تاراپىنان جاسالعان اشىق شابۋىلدار باستالعالى بەرى ءباا-ءنىڭ اۋە قورعانىس جۇيەلەرى جالپى سانى 549 بالليستيكالىق زىمىراندى, 29 قاناتتى زىمىراندى جانە 2260 ۇشقىشسىز ۇشۋ اپپاراتىن جويعان. سوققىلاردىڭ سالدارىنان زارداپ شەككەندەردىڭ جالپى سانى – 227 ادامعا جەتكەن, ولاردىڭ قاتارىندا ءتۇرلى ەلدەردىڭ ازاماتتارى دا بار.
قازاقستاندا جول ساپاسىن دروندار باقىلايدى
رەسمي دەرەك بويىنشا, اسكەري قىزمەتشىلەر اراسىندا 3 ادام قازا تاپقان. ولاردىڭ ءبىرى قارۋلى كۇشتەرمەن كەلىسىمشارت نەگىزىندە جۇمىس ىستەگەن ازاماتتىق قىزمەتكەر بولعان. ال بەيبىت تۇرعىندار اراسىنداعى قۇرباندار سانى 10 ادامعا جەتكەن.
ءباا قورعانىس مينيسترلىگى مالىمدەمەسىندە ەلدىڭ قاۋىپسىزدىگىنە نۇقسان كەلتىرۋگە باعىتتالعان كەز كەلگەن ارەكەتكە قاتاڭ قارسى تۇراتىنى ايتىلعان. ۆەدومستۆو وزدەرىنىڭ تولىق اسكەري دايىندىقتا ەكەنىن, مەملەكەتتىڭ ەگەمەندىگىن قورعاۋ, قاۋىپسىزدىك پەن تۇراقتىلىقتى قامتاماسىز ەتۋ, سونداي-اق ۇلتتىق مۇددەلەردى ساقتاۋعا بار كۇشىن سالاتىنىن جەتكىزدى.
اقتوبە وبلىسىندا بەلگىسىز درون بولشەكتەرى تابىلدى