قىزىلوردا. 17 تامىز. قىزىلوردا وبلىسىنىڭ ىشكى ىستەر دەپارتامەنتى مەن ارال اۋداندىق ىشكى ىستەر ءبولىمى قىزمەتكەرلەرىنىڭ بىرلەسكەن جۇمىسى ناتيجەسىندە تاعى ءبىر ەسىرتكى القابى انىقتالدى. بۇل تۋرالى egemen.kz ءتىلشىسى حابارلادى.
ارال اۋدانى, جىڭىشكەقۇم مەن قاراقۇم ەلدىمەكەندەرىنىڭ ارالىعىنداعى قۇمداردىڭ اراسىندا ەسىرتكى القابىندا ەگىپ-باپتاۋ جۇمىستارىمەن اينالىسىپ جاتقان 26 جانە 19 جاستاعى بايقوڭىر قالاسىنىڭ ەكى تۇرعىنى ۇستالدى. تەكسەرۋ بارىسىندا, اتالعان ازاماتتار جالپى سالماعى 232 كيلو 96 گرامدى قۇرايتىن 416 ءتۇپ سورا وسىمدىگىن ءىرى مولشەردە وسىرگەندىگى انىقتالدى. انىقتالعان 416 ءتۇپ سورا وسىمدىگىنىڭ 396 ءتۇبى ورتەۋ جولىمەن جويىلسا, 20 دانا ءتۇبى سوت-ساراپتامالىق تەكسەرىسكە جولداندى.
سونىمەن قاتار, اتالعان اۋماقتا ورنالاسقان كۇركەدەن 31 ءتۇپ كەپتىرىلگەن جاسىل ءتۇستى وزىنە ءتان ءيىسى بار وسىمدىك تەكتەس زات جانە سورا وسىمدىگىنىڭ تۇقىمى, قۇرال-سايماندار ايعاق زات رەتىندە الىندى.
ەرجان بايتىلەس.
دەرەك: egemen.kz.
سۋرەت: قازاقپارات.