قىزىلوردا. 17 تامىز. قىزىلوردا وبلىسىندا قىرىلعان مالدىڭ وتەماقىسى تولەنىپ جاتىر. بۇل تۋرالى egemen.kz ءتىلشىسى حابارلادى. شىلدەنىڭ باسىندا جاڭاقورعان اۋدانىنا قاراستى 5 شارۋا قوجالىعىندا مىڭنان استام قوي شىعىنعا ۇشىراعان بولاتىن. وسىنىڭ سالدارىنان اۋداندا توتەنشە جاعداي جاريالانىپ, اۋىرعان مالداردى وقشاۋلاۋ, ەمدەۋ شارالارى جۇزەگە اسىرىلدى. ىندەت وشاعىندا زەرتتەۋ-ساراپتاۋ جۇمىستارىن جۇرگىزگەن ۆەتەرينارلار مالدىڭ قىرىلۋىنا ەندوتوكسيميا جانە پاستەرەللەز ىندەتى سەبەپ بولدى دەگەن قورىتىندى جاسادى. قازىرگى تاڭدا اۋرۋ مالداردى سانيتارلىق سويۋعا جانە مال يەسىنە وتەماقى تولەۋگە جەرگىلىكتى بيۋدجەتتەن 16 ميلليون تەڭگە ءبولىنىپ, قولداعى ت ۇلىگىنەن ايىرىلعان شارۋالاردىڭ شىعىنى وتەلۋدە. وبلىستىق ۆەتەريناريالىق باقىلاۋ باسقارماسىنىڭ باسشىسى ەرسۇلتان اپەتوۆ سوڭعى ءبىر اپتاداعى تەكسەرىس بويىنشا بەسارىق, كوبەلدەس شارۋا قوجالىقتارىندا مال ءولىمى توقتاعانىن ايتتى. باسقارما تاراپىنان شارۋا قوجالىقتارىندا شىعىنعا ۇشىرىعان جانە اۋىرىپ تۇرعان مالدارعا كۇندەلىكتى باقىلاۋ جاسالىپ, ءتيىستى ەمدەۋ شارالارى ۋاقىتىلى جۇرگىزىلۋدە. ەرجان بايتىلەس. دەرەك: egemen.kz. سۋرەت: kazgazeta.kz.