كوكشەتاۋ. 17 تامىز. كوكشەتاۋ قالاسىنىڭ ىرگەسىندەگى كراسنىي يار يپپودرومىندا كەڭەس وداعىنىڭ باتىرى, اكادەميك مالىك عابدۋلليننىڭ 100 جىلدىعىنا ارنالعان ۇلتتىق ات سپورتىنان رەسپۋبليكالىق چەمپيوناتتىڭ اشىلۋ ءراسىمى ءوتتى. بۇل تۋرالى egemen.kz ءتىلشىسى حابارلادى.
دودالى جارىسقا ەلىمىزدىڭ 15 وبلىسىنان تاڭداۋلى سپورتشىلار قاتىسىپ, كوكپار, اۋدارىسپاق, تەڭگە الۋ جانە جامبى اتۋ سايىستارىندا باق سىنايدى.
قازاقستان رەسپۋبليكاسىنداعى مەملەكەتتىك دەنەشىنىقتىرۋ جانە سپورت باعدارلاماسىن جۇزەگە اسىرۋ, سپورتتىڭ ۇلتتىق تۇرلەرىن ناسيحاتتاۋدى ماقسات ەتەتىن جارىسقا قاتىسۋشىلار مەن جانكۇيەر قاۋىمدى مالىك عابدۋلليننىڭ قىزى مايدان ۇسەنوۆا, مادەنيەت جانە سپورت مينيسترلىگىنىڭ باسقارما باسشىسى بەكبولات بايجانوۆ, ۇلتتىق سپورت تۇرلەرى اسسوتسياتسياسىنىڭ ءبىرىنشى ۆيتسە-پرەزيدەنتى بەكبولات تىلەۋحان, اقمولا وبلىسى اكىمىنىڭ ورىنباسارى داۋرەن ادىلبەكوۆ قۇتتىقتادى.
ايگىلى قۇلاگەرىمەن اڭىزعا اينالعان كوكشە جۇرتشىلىعى ءتورت كۇن بويى دەلەبە قوزدىرار قىزۋ جارىستاردى ءتورت كۇن بويى تاماشالايتىن بولادى.
باقبەرگەن امالبەك.
دەرەك, سۋرەت: egemen.kz