الماتىدا اۋا رايىنىڭ كۇرت ناشارلاۋىنا بايلانىستى قالالىق كوممۋنالدىق قىزمەتتەر جوعارى دايىندىق رەجيمىنە اۋىستىرىلدى, دەپ حابارلايدى Egemen.kz.
«قازگيدرومەت» مالىمەتىنشە, 23 ءساۋىر كۇنى ساعات 15:00-دەن باستاپ جاۋىن-شاشىن باستالىپ, 17:00-دەن كەيىن نوسەر جاڭبىرعا ۇلاسادى. جەلدىڭ جىلدامدىعى سەكۋندىنا 15-18 مەترگە دەيىن جەتۋى مۇمكىن. 24 ساۋىردە نايزاعايلى جاڭبىر كۇتىلسە, 25 ساۋىردە وتكىنشى جاۋىن-شاشىن بولجانىپ وتىر.
سۋ باسۋ قاۋپىنىڭ الدىن الۋ ءۇشىن قالادا تاۋلىك بويى كەزەكشىلىك ۇيىمداستىرىلعان. بۇل ماقساتتا 104 ارنايى تەحنيكا, 74 موتوپومپا, 12 اسسەنيزاتورلىق كولىك جۇمىلدىرىلىپ, 75 بريگادا (425 جۇمىسشى) جۇمىس ىستەپ جاتىر. سونداي-اق 2300 دانا قۇم سالىنعان قاپ دايىندالعان.
الماتىداعى نوسەر جاڭبىر: كوممۋنالدىق قىزمەت كۇشەيتىلگەن رەجيمگە كوشتى
قوسىمشا تۇردە قۇتقارۋ قىزمەتتەرى مەن توتەنشە جاعدايلار دەپارتامەنتىنىڭ بولىمشەلەرى دە ىسكە تارتىلدى. جالپى قالا بويىنشا 2,7 مىڭنان استام ادام مەن 1,2 مىڭنان اسا تەحنيكا قىزمەت كورسەتىپ جاتىر.
نوسەر جاڭبىر مەن داۋىل: بىرقاتار وڭىردە اۋا رايىنا بايلانىستى ەسكەرتۋ جاريالاندى
قالا تۇرعىندارىنا ساقتىق شارالارىن ساقتاپ, سۋ باسۋ قاۋپى بار اۋماقتاردان اۋلاق بولۋ ۇسىنىلادى.