استانا. 17 تامىز. «تسەنتر كرەديت بانكى» اق استانا قالالىق فيليالىنىڭ عيماراتىندا توناۋ ارەكەتى تىركەلدى. الدىن الا بەلگىلى بولعان دەرەكتەرگە سۇيەنسەك, ۇرلانعان اقشانىڭ سوماسى 30 مىڭ اقش دوللارىن قۇرايدى. بۇل تۋرالى قالالىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
ۇرلىق جايىندا اقپارات جەدەل باسقارۋ ورتالىعىنىڭ پۋلتىنە بۇگىن ساعات 08:47-دە كەلىپ تۇسكەن. وندا بەلگىسىز بىرەۋلەردىڭ عيماراتتىڭ جەرتولە قاباتىنا ۆەنتيلياتسيا شاحتاسى ارقىلى كىرگەنى تۋرالى ايتىلعان. ول جەردە بويلەر ورنالاسقان تەحنيكالىق بولمە بولاتىن. سول بولمەدەگى سەيفتە تەحنيكالىق قىزمەتكەرلەردىڭ ءبىرى جەكە قاراجاتىن جيناعان ەكەن. توناۋشىلار ءدال سول قارجىنى قولدى ەتكەن.
وسى ىسكە قاتىستى «توناۋ» بابى بويىنشا سوتقا دەيىنگى تەرگەۋ امالدارى جۇرگىزىلۋدە.
«بانكتىڭ م ۇلىكتەرى مەن قويماسىنا ەشقانداي زاقىم كەلگەن جوق. سونداي-اق, ولارعا ەشقانداي قاۋىپ تە ءتونىپ تۇرعان جوق», – دەيدى «تسەنتر كرەديت بانكى» قۇقىقتىق قامتاماسىز ەتۋ قىزمەتى ءبولىمىنىڭ باستىعى باقىتجان مۇحامەدجانوۆ.
قازىرگى كەزدە بانك قالىپتى رەجىمدە جۇمىس ىستەۋدە.
ەلامان قوڭىر.
دەرەك: استانا قالالىق ىشكى ىستەر دەپارتامەنتىنىڭ ءباسپاسوز قىزمەتى
سۋرەت: mail.ru.