پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆتىڭ توراعالىعىمەن ەلىمىزدىڭ كيبەرقاۋىپسىزدىگىن نىعايتۋ جانە دەربەس دەرەكتەردى قورعاۋ ماسەلەلەرى بويىنشا ۆەدومستۆوارالىق كەڭەس ءوتتى, دەپ حابارلايدى Egemen.kz.
جيىن مەملەكەت باسشىسىنىڭ قازاقستاندى تولىققاندى تسيفرلىق ەلگە اينالدىرۋ بويىنشا العا قويعان مىندەتتەرىن جۇزەگە اسىرۋ اياسىندا ۇيىمداستىرىلدى. وندا جاڭارتىلعان كونستيتۋتسيادا ادامنىڭ دەربەس دەرەكتەرىن قورعاۋ قۇقىعى تىكەلەي جازىلعانىنا, ال قاۋىپسىزدىك كەڭەسىنىڭ شەشىمدەرى تۇرعىسىنان كيبەرقاۋىپسىزدىك ماسەلەلەرى ستراتەگيالىق ماڭىزعا يە بولعانىنا ەرەكشە نازار اۋدارىلدى.
سالالىق مينيسترلىكتەر, جەرگىلىكتى اتقارۋشى ورگاندار باسشىلارى, ۇقك مەملەكەتتىك تەحنيكالىق قىزمەتى قاتىسقان كەزدەسۋ بارىسىندا كيبەرقاۋىپسىزدىك سالاسىنداعى جۇيەلى ءىس-شارالاردىڭ جۇزەگە اسىرىلۋ بارىسى تۋرالى ەسەپ ۇسىنىلدى.
نەگىزگى وزگەرىستەردىڭ قاتارىندا ءىرى دەرەكتەر بازاسىنىڭ (100 مىڭنان استام جازبا) وپەراتورلارى ءۇشىن مىندەتتى بيومەتريالىق سايكەستەندىرۋدى ەنگىزۋ بار.
كيبەرقاۋىپسىزدىك پەن جي-ءدى دامىتۋ: ەلوردادا Palo Alto Networks كومپانياسىمەن كەزدەسۋ ءوتتى
كەڭەس شەڭبەرىندە مەملەكەتتىك جۇيەلەردىڭ قورعالۋىنا ەرەكشە كوڭىل ءبولىندى. سونىمەن قاتار جەرگىلىكتى اتقارۋشى ورگاندارعا جاسالعان اۋديت ناتيجەلەرى ەرەكشە نازار اۋدارۋدى جانە قورعانىستى كۇشەيتۋدى تالاپ ەتەتىن بىرقاتار جۇيەلى وسال تۇستاردى انىقتادى.
كەڭەس قورىتىندىسى بويىنشا ازاماتتاردىڭ تسيفرلىق سەرۆيستەردى قاۋىپسىز پايدالانۋ ماسەلەلەرى بويىنشا حاباردارلىعىن ارتتىرۋ, سونداي-اق اقپاراتتىق جۇيەلەردى بىرىڭعاي مونيتورينگ جۇيەسىنە قوسۋ جۇمىستارىن كۇشەيتۋ تاپسىرىلدى.
SMS-بلاستەر مەن ديپفەيك: باس پروكۋراتۋرا 18 جاڭا كيبەرقاۋىپتى انىقتادى
قارجى سەكتورى مەن ميكروكرەديتتىك ۇيىمداردا دەربەس دەرەكتەردى قورعاۋدى كۇشەيتۋ قاجەتتىلىگى بولەك تارماق رەتىندە اتاپ ءوتىلدى.
پرەمەر-ءمينيستردىڭ ورىنباسارى سالالىق ۆەدومستۆولارعا بارلىق تاپسىرمالاردىڭ ورىندالۋىنا قاتاڭ باقىلاۋ جۇرگىزۋدى تاپسىرىپ, كيبەرقاۋىپسىزدىك – قازاقستاننىڭ تسيفرلىق ترانسفورماتسياسىنىڭ ىرگەلى شارتى ەكەنىنە نازار اۋدارتتى.