اتىراۋدا 23 جاستاعى يانا لەگكوديموۆانى ولتىرگەنى ءۇشىن ءومىر بويىنا باس بوستاندىعىنان ايىرىلعان قىلمىسكەرلەر كولونياعا اۋىستىرىلدى, دەپ حابارلايدى Egemen.kz.
ەسكە سالا كەتەيىك, 2025 جىلعى 17 قاراشادا يانا لەگكوديموۆانىڭ قازاسىنا قاتىستى ءىس بويىنشا سوت ۇكىمى شىعىپ, التىنبەك كاتيموۆ پەن ريزۋان حايرجانوۆ ءومىر بويىنا باس بوستاندىعىنان ايىرۋ جازاسىنا كەسىلگەن بولاتىن. الايدا ۇكىم شىققاننان كەيىن دە سوتتالعاندار بىرنەشە اي بويى تەرگەۋ يزولياتورىندا بولعان. مارقۇمنىڭ اناسى گالينا لەگكوديموۆا قىلمىستىق-اتقارۋ جۇيەسى كوميتەتىنە سۇراۋ سالىپ, رەسمي حات جولداعاننان كەيىن عانا قىلمىسكەرلەردى كولونياعا اۋىستىرۋ قولعا الىنعان.
قىلمىستىق-اتقارۋ جۇيەسى كوميتەتىنىڭ مالىمەتىنشە, سوتتالعانداردى ەتاپتاۋ زاڭناماعا سايكەس جۇزەگە اسىرىلعان. اتىراۋدان جونەلتۋ پروتسەسى ارنايى ۆاگون ارقىلى جۇرگىزىلىپ, ولار وزگە سوتتالعاندارمەن بىرگە ءتيىستى كولونياعا جەتكىزىلگەن.
يانا لەگكوديموۆا ءىسى: قىلمىسكەرلەر جازانى جەڭىلدەتۋدى سۇرادى
ايتا كەتەيىك, بۇعان دەيىن سوتتالعاندار ۇكىمگە اپەللياتسيالىق شاعىم تۇسىرگەنىمەن, سوت شەشىمى وزگەرىسسىز قالدىرعان بولاتىن.
نۇربولات امانبەك