الاياقتىق جولمەن جينالعان قايىرىمدىلىق قاراجاتىن جىمقىردى دەگەن ايىپپەن سوتتالعان پەريزات قايراتتىڭ كولونياداعى قازىرگى جۇمىسى تۋرالى قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتى مالىمدەدى. 2025 جىلى قوعام بەلسەندىسى 10 جىلعا باس بوستاندىعىنان ايىرىلعان بولاتىن, دەپ جازادى Egemen.kz.
بۇعان دەيىن قاجك توراعاسى اباي قايىربەكوۆ كولونيادا ايەلدىڭ قابىلەتتەرى مەن بوس جۇمىس ورىندارى ەسكەرىلەتىنىن ايتقان ەدى. ونىڭ ايتۋىنشا, پەريزات قايرات تىگىن وندىرىسىندە نەمەسە باسقا دا جۇمىستاردا ەڭبەك ەتۋى مۇمكىن بولاتىن.
پەريزات قايراتتان تاركىلەنگەن كولىك مەملەكەتتىك ورگانداردىڭ مەنشىگىنە بەرىلدى
قازىرگى تاڭدا ول جازاسىن وتەۋ مەكەمەسىندە ەڭبەكپەن قامتىلىپ, قىزمەتتىك ءۇي-جايلاردى تازالاۋ جۇمىسىن اتقارىپ ءجۇر.
ەسكە سالا كەتەيىك, 2025 جىلعى 25 شىلدەدە پەريزات قايرات 10 جىلعا باس بوستاندىعىنان ايىرىلىپ, قايىرىمدىلىق ءۇشىن بەرىلەتىن «شاپاعات» مەملەكەتتىك ناگراداسىنان دا ايىرىلعان.
سوت سونداي-اق ونىڭ جانە قوسا ايىپتالعان اناسىنىڭ 50 جابىرلەنۋشىگە كەلتىرگەن ماتەريالدىق شىعىندى وتەۋىن مىندەتتەپ, جالپى سوماسى 1 ميلليارد 582 ميلليون تەڭگەنى ءوندىرۋ تۋرالى شەشىم شىعاردى. بۇدان بولەك, ولاردان ارقايسىسى 22 ميلليون تەڭگە مەملەكەتتىك باج جانە 698 مىڭ تەڭگە سوت شىعىندارىن تولەۋ تالاپ ەتىلگەن.