بەلگىلى زاڭگەر ءارى بلوگەر ادىلەتحان مولداحان قاماۋعا الىندى. قۇقىق قورعاۋ ورگاندارى زاڭگەرگە قاتىستى جالعان اقپارات تاراتۋ فاكتىسى بويىنشا سوتقا دەيىنگى تەرگەۋ جۇرگىزىپ جاتىر. بۇل اقپاراتتى الماتى قالالىق پوليتسيا دەپارتامەنتى راستادى, دەپ حابارلايدى Egemen.kz.
«كۇدىكتى بۇعان دەيىن توناۋ قىلمىسى ءۇشىن سوتتالعان, قازىر وعان سوت تاراپىنان 10 تاۋلىك مەرزىمگە قاماۋدا ۇستاۋ تۇرىندەگى بۇلتارتپاۋ شاراسى قولدانىلدى», دەلىنگەن پوليتسيا حابارلاماسىندا.
تەرگەۋ مۇددەسىنە بايلانىستى وزگە اقپارات جاريا ەتىلمەيدى.
پوليتسيا ناقتى قانداي اقپارات تۋرالى ءسوز بولىپ وتىرعانىن حابارلاعان جوق. سوڭعى ۋاقىتتا مولداحان الەۋمەتتىك جەلىلەردە الماتىداعى ءال-فارابي داڭعىلىندا ءۇش ادامنىڭ ءومىرىن قيعان رەزونانستىق جول-كولىك وقيعاسىن ءجيى كوتەرىپ جۇرگەن. ول جاريالاعان ۆيدەولارىندا تۇنگى جارىستى ۇيىمداستىرۋعا قۇقىق قورعاۋ ورگاندارىنىڭ قاتىسى بار ەكەنىن مالىمدەگەن.