ۋاقىتشا شەكتەۋلەر اياقتالعاننان كەيىن ۇكىمەت تەڭگەرىمدى تاريفتىك ساياساتتى ىسكە اسىرۋدى جالعاستىرادى. قولدانىلاتىن ءتاسىل كەزەڭ-كەزەڭىمەن جانە اتاۋلى سيپاتتا جۇزەگە اسىرىلادى, كۇرت ءارى ەكونوميكالىق تۇرعىدان نەگىزسىز شەشىمدەر قابىلدانبايدى, دەپ جازادى Egemen.kz.
نەگىزگى باسىمدىق رەتىندە حالىققا تۇسەتىن جۇكتەمەنى بارىنشا ازايتۋ, ينفلياتسيالىق قىسىمدى تەجەۋ جانە تۇرعىنداردى ساپالى ءارى قولجەتىمدى كوممۋنالدىق قىزمەتتەرمەن قامتاماسىز ەتۋ بولىپ قالا بەرەدى.
تاريفتىك ساياسات, ەڭ الدىمەن, تىرشىلىكتى قامتاماسىز ەتۋ جۇيەلەرىنىڭ سەنىمدى جۇمىسىن قامتاماسىز ەتۋگە, قاجەتتى جوندەۋ جۇمىستارىن جۇرگىزۋگە, ينفراقۇرىلىمنىڭ توزۋ دەڭگەيىن تومەندەتۋگە جانە اپاتتاردىڭ الدىن الۋعا باعىتتالعان.
مۇمكىن بولاتىن وزگەرىستەر نۇكتەلىك ءارى قالىپتى سيپاتتا بولادى. ءاربىر شەشىم تەك وبەكتيۆتى جانە ەكونوميكالىق تۇرعىدان نەگىزدەلگەن فاكتورلار نەگىزىندە قابىلدانادى.
اقش تۇرعىندارى ترامپتىڭ تاريفتىك ساياساتىنا الاڭداۋلى
سونىمەن بىرگە ەنەرگەتيكا مينيسترلىگىنىڭ اقپاراتىنا سايكەس, 2026 جىلعى 1 ساۋىردەن باستاپ ەلەكتر ەنەرگياسىنا ارنالعان شەكتى تاريفتەر 2025 جىلعى دەڭگەيدە وزگەرىسسىز ساقتالادى.
ايتا كەتەيىك, 2025 جىلعى جەلتوقساندا ەنەرگەتيكا مينيسترلىگى 2026-2032 جىلدارعا ارنالعان ەلەكتر ەنەرگياسىنىڭ شەكتى تاريفتەرىن بەكىتىپ, ولاردى 2025 جىلعى دەڭگەيدە تۇراقتاندىردى.
مينيسترلىكتىڭ مالىمەتىنشە, قازاقستاندا جانار-جاعارماي باعاسى نارىقتىق قاعيداتتار نەگىزىندە قالىپتاسادى. سونىمەن قاتار ۇكىمەت حالىق مۇددەسىن قورعاۋدى باسىم باعىت رەتىندە ساقتاي وتىرىپ, باعالاردىڭ كۇرت ءارى نەگىزسىز وسۋىنە جول بەرمەيدى.
«قتج»-نىڭ جاڭا تاريفتىك ساياساتى وتاندىق تاۋار وندىرۋشىلەردىڭ مۇددەلەرىنە نۇقسان كەلتىرۋى مۇمكىن
جاعداي تۇراقتى باقىلاۋدا: ەلدە جانار-جاعارماي تاپشىلىعى جوق, قاجەتتى قورلار تولىق كولەمدە قالىپتاستىرىلعان. وڭىرلەردە جەرگىلىكتى اتقارۋشى ورگاندار, سالالىق ۆەدومستۆولار جانە نارىق وكىلدەرىنىڭ قاتىسۋىمەن جەدەل مونيتورينگ شتابتارى جۇمىس ىستەپ جاتىر.
ولار كۇن سايىن باعا دەڭگەيىن, جانار-جاعارمايدىڭ قولجەتىمدىلىگىن جانە جەتكىزۋ لوگيستيكاسىن باقىلاپ, كەز كەلگەن اۋىتقۋلارعا جەدەل ارەكەت ەتۋ جانە ىشكى نارىقتاعى تۇراقتىلىقتى قامتاماسىز ەتۋ ماقساتىندا جۇمىس جۇرگىزىپ جاتىر.