يۋنەسكو مەن يسەسكو اياسىندا مادەني مۇرانى ساقتاۋ جانە ىلگەرىلەتۋدىڭ 2026-2028 جىلدارعا ارنالعان كەشەندى جوسپارى شەڭبەرىندە مادەني مۇرانى قورعاۋ سالاسىندا ماماندار دايارلاۋدى كۇشەيتۋ كوزدەلگەن, دەپ جازادى Egemen.kz.
بۇل تۋرالى يۋنەسكو جانە يسەسكو ىستەرى جونىندەگى ۇلتتىق كوميسسيا جانىنداعى ماتەريالدىق ەمەس مادەني مۇرانى قورعاۋ كوميتەتى توراعاسىنىڭ ورىنباسارى رۋستام مۇزافاروۆ ايتىپ بەردى.
ءتول ونەرىمىز – يسەسكو تىزىمىندە
«كەشەندى جوسپار تاعى ءبىر وتە ماڭىزدى ماسەلەنى – مۇرانى قورعاۋ سالاسىنىڭ ماماندارىن دايارلاۋدى كوزدەيدى. سوڭعى جىلدارى بۇل باعىتتا يۋنەسكو ايتارلىقتاي قولداۋ كورسەتىپ كەلەدى. ءبىز ماماندارىمىزدى, ەڭ الدىمەن, وبلىستىق جانە اۋداندىق دەڭگەيدە دايارلاپ جاتىرمىز, ويتكەنى مادەني مۇرا ۇلكەن قالالاردا عانا ءومىر سۇرمەيدى, ونى سەزىنىپ, قادىرىن تۇسىنەتىن جەرلەردە ءومىر سۇرەدى», دەدى عالىم. پرەزيدەنت «تاريحي-مادەني مۇرا وبەكتىلەرىن قورعاۋ تۋرالى» زاڭعا قول قويدى