ۇكىمەت مادەني مۇرانى ساقتاۋعا ارنالعان ەكى جىلدىق كەشەندى جوسپاردى بەكىتتى

جوسپاردا تاريحي جانە مادەني ەسكەرتكىشتەردى ساقتاۋ, ماتەريالدىق ەمەس مادەني مۇرانى قولداۋ, مامانداردى دايارلاۋ جانە قازاقستاننىڭ وسى سالاداعى حالىقارالىق باعدارلامالار مەن باستامالارعا قاتىسۋىن كەڭەيتۋ جونىندەگى ناقتى شارالار كوزدەلگەن.

نەگىزگى مىندەتتەردىڭ قاتارىندا دۇنيەجۇزىلىك مۇرا نىساندارىن قورعاۋ ساپاسىن ارتتىرۋ, قازاقستاننىڭ مادەني قۇندىلىقتارىن حالىقارالىق دەڭگەيدە ىلگەرىلەتۋ, ساراپتامالىق جانە ءبىلىم بەرۋ بازاسىن دامىتۋ, سونداي-اق مادەني مۇرانى ساقتاۋ ىسىنە قوعامدى بەلسەندى تارتۋ ءىس-شارالارى بار.

كەشەندى جوسپار ماتەريالدىق مادەني مۇرا نىساندارىن ساقتاۋ جانە ناسيحاتتاۋ, قازاق حالقىنىڭ ماتەريالدىق ەمەس مادەني مۇراسىن دامىتۋ جانە قولداۋ, سونداي-اق يۋنەسكو-نىڭ «الەم جادى» باعدارلاماسىن ىلگەرىلەتۋ سىندى  ءۇش نەگىزگى باعىتتى قامتيدى.

ايدا بالاەۆا: تاريحي-مادەني مۇرانى ساقتاۋ كونستيتۋتسيالىق قاعيداتتار دەڭگەيىنە كوتەرىلدى

ەسكەرتكىشتەردى قورعاۋ بولىگىندە حالىقارالىق ماڭىزى بار نىسانداردىڭ جاي-كۇيىنە مونيتورينگ جۇرگىزۋ, قازاقستانداعى يۋنەسكو-نىڭ بۇكىلالەمدىك مۇرا نىساندارىن باسقارۋ بويىنشا ادىستەمەلىك قۇرال دايىنداۋ, سونداي-اق حالىقارالىق دەڭگەيدە ودان ءارى ىلگەرىلەتۋ ءۇشىن مادەني مۇرا وبەكتىلەرىنىڭ الدىن الا ءتىزىمىن كەڭەيتۋ كوزدەلگەن.

حالىقارالىق ىنتىماقتاستىقپەن بايلانىستى نىعايتۋعا جەكە بلوك ارنالعان. اتاپ ايتقاندا, «جىبەك جولى: كاسپي – ەدىل ءدالىزى» نوميناتسياسىن دايىنداۋ بويىنشا ۆەدومستۆوارالىق جانە ساراپتامالىق كونسۋلتاتسيالار جوسپارلانعان.

تسيفرلىق مادەني مۇرا

سونداي-اق كوپۇلتتى «الپامىس باتىر» نوميناتسياسىن يۋنەسكو-نىڭ ماتەريالدىق ەمەس مادەني مۇرالار تىزىمىنە ەنگىزۋ ماقساتىندا ازەربايجان, تۇركيا, وزبەكستان جانە تۇرىكمەنستانمەن بىرلەسكەن جۇمىستى جالعاستىرۋ جوسپارلانىپ وتىر.

تاعى ءبىر ماقسات قازاقستاننىڭ ICCROM (مادەني قۇندىلىقتاردى زەرتتەۋ, ساقتاۋ جانە رەستاۆراتسيالاۋ جونىندەگى حالىقارالىق ورتالىق) مادەني قۇندىلىقتاردى ساقتاۋ جانە قالپىنا كەلتىرۋ ماسەلەلەرىن زەرتتەۋ جونىندەگى حالىقارالىق ورتالىعىنا كىرۋىنە دايىندىق جۇرگىزۋگە باعىتتالادى. بۇل كاسىبي ىنتىماقتاستىقتى كەڭەيتۋگە جانە مۇرا نىساندارىن ساقتاۋ مەن قالپىنا كەلتىرۋدە زاماناۋي تاسىلدەردى قولدانۋعا مۇمكىندىك بەرەدى.

جوسپاردىڭ ماڭىزدى بولىگى كادرلاردى دايىنداۋعا قاتىستى. جىل سايىن يۋنەسكو-نىڭ ماتەريالدىق ەمەس مادەني مۇرانى قورعاۋ كونۆەنتسياسىن جۇزەگە اسىرۋ اياسىندا كەمىندە 30 ساراپشى وقۋدان وتەدى. سونداي-اق حالىقارالىق ءبىلىم بەرۋ كورپوراتسياسىنىڭ باكالاۆريات جانە ماگيستراتۋرا باعدارلامالارى شەڭبەرىندە ەسكەرتكىشتەردى ساقتاۋ بويىنشا تۇجىرىمدامالىق جانە ەسكيزدىك جوبالاردى ازىرلەۋ كوزدەلىپ وتىر.

«SARAP» وتىرىسىندا تاريحي-مادەني مۇرانىڭ كونستيتۋتسيالىق قۇندىلىقتار جۇيەسىندەگى ورنى تالقىلاندى

جويىلىپ كەتۋ قاۋپى تونگەن ماتەريالدىق ەمەس مادەني مۇرا ەلەمەنتتەرىنە ەرەكشە نازار اۋدارىلادى. ولاردىڭ قاتارىندا قازاقتىڭ كيىز ءۇيىن دايىنداۋ جانە بەزەندىرۋ, قازاق كىلەم توقۋ ونەرى جانە ەلىمىزدىڭ بىرقاتار وڭىرىندەگى تەرمە ەپيكالىق جانرى بار.

جوسپاردى جۇزەگە اسىرۋ مادەني مۇرانى ساقتاۋ جۇمىسىن نىعايتۋعا, مامانداندىرىلعان ءبىلىم بەرۋ باعدارلامالارى مەن كادرلار تاپشىلىعىن ازايتۋعا, جەرگىلىكتى قاۋىمداستىقتاردىڭ قاتىسۋىن كەڭەيتۋگە جانە وسى سالادا زاماناۋي تەحنولوگيالاردى قولدانۋعا مۇمكىندىك بەرەدى.