عىلىم جانە جوعارى ءبىلىم ءمينيسترى ساياسات نۇربەك ۇكىمەتتە وتكەن بريفينگتە ستيپەنديا كولەمىن ارتتىرۋ ماسەلەسى قاراستىرىلىپ جاتقانىن مالىمدەدى, دەپ حابارلايدى Egemen.kz.
سوڭعى بەس جىلدا ەلدە شاكىرتاقى جىل سايىن 20–25 پايىزعا كەزەڭ-كەزەڭىمەن ءوسىپ كەلگەن. ناتيجەسىندە ونىڭ كولەمى 100 پايىزعا دەيىن ارتقان. 2025 جىلى بۇل باعدارلاما اياقتالدى.
ءمينيستردىڭ ايتۋىنشا, ەندى ۇكىمەتپەن بىرلەسىپ ستيپەنديانى جىل سايىن ارتتىرۋ مۇمكىندىگى قاراستىرىلىپ جاتىر. اسىرەسە دوكتورانتتاردىڭ ستيپەندياسى ايتارلىقتاي وسكەن, قازىرگى تاڭدا ولار ايىنا شامامەن 254 مىڭ تەڭگە الادى. بۇل كورسەتكىشتى الداعى ۋاقىتتا دا كەزەڭ-كەزەڭىمەن ۇلعايتۋ جوسپارلانىپ وتىر.
تەگىن جاتاقحانا مەن شاكىرتاقى: قىتاي گرانتىن قالاي جەڭىپ الۋعا بولادى؟
سونىمەن قاتار, بريفينگتە جوعارى وقۋ ورىندارىنداعى وقۋ اقىسىنا قاتىستى سۇراق تا كوتەرىلدى. ءمينيستردىڭ ايتۋىنشا, مەملەكەتتىك ۋنيۆەرسيتەتتەردە وقۋ اقىسى قاتاڭ رەتتەلەدى جانە ينفلياتسيا دەڭگەيىن ەسكەرە وتىرىپ, شامامەن 10 پايىزدان اسپايتىن مولشەردە عانا وزگەرۋى مۇمكىن.
بيىل ستۋدەنتتەردىڭ شاكىرتاقىسى ارتا ما؟
ول بيىل دا وقۋ اقىسىنىڭ كۇرت وسۋىنە جول بەرىلمەيتىنىن جانە بارلىق ۋنيۆەرسيتەتتەرمەن كەڭەس جۇرگىزىلەتىنىن اتاپ ءوتتى.