«Le Figaro» گازەتىنىڭ مالىمەتىنە سۇيەنسەك, وتكەن اپتانىڭ ىشىندە عانا ديزەل وتىنى 8 ەۋروتسەنتكە قىمباتتاپ, ليترىنە 2,2 ەۋروعا جەتكەن. ساراپشىلار مۇنداي كۇرت قىمباتتاۋدىڭ باستى سەبەبى رەتىندە پارسى شىعاناعىنان كەلەتىن مۇناي تاسىمالىن شەكتەگەن ورمۇز بۇعازىنىڭ بۇعاتتالۋىن اتاپ ءوتتى.
ورمۇز بۇعازى ارقىلى مۇناي تاسىمالى قالاي شەشىلمەك؟
بۇل تاپشىلىقتى وتەۋ جانە باعانى اۋىزدىقتاۋ ماقساتىندا فرانتسيا بيلىگى تەحنيكالىق ستاندارتى تومەندەتىلگەن جانارمايدى ساتۋعا ۋاقىتشا رۇقسات بەردى. سونىمەن قاتار ءساۋىر ايىندا ەل ۇكىمەتى داعدارىستان ەڭ كوپ زارداپ شەككەن ەكونوميكا سالالارىن قولداۋ ءۇشىن 70 ميلليون ەۋرو ءبولۋدى جوسپارلاپ وتىر.
يران دۋباي جاعالاۋىنداعى الىپ مۇناي تانكەرىنە سوققى جاسادى
ايتا كەتەيىك, ديزەل – فرانتسياداعى ەڭ ءوتىمدى جانارماي ءتۇرى. ەلدەگى جالپى وتىن نارىعىنىڭ شامامەن 70 پايىزى وسى ديزەلگە تيەسىلى.
ترامپ يران مۇنايىن يەمدەنگىسى كەلەدى
ەسكە سالا كەتەيىك, جۇما كۇنى Brent ماركالى مۇنايدىڭ باعاسى شامامەن 3 پايىزعا ءوسىپ, باررەلىنە 115 دوللارعا جەتتى.